16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ուկրաինան և Թուրքիան հաջորդ տարվա սկզբին կարող են ստորագրել ազատ առևտրի գոտու մասին համաձայնագիրը
Քաղաքականություն
21.12.2021 | 22:51
Ուկրաինայի նախագահ Վլադիմիր Զելենսկին հայտարարել է, որ Թուրքիայի հետ ազատ առևտրի գոտու մասին համաձայնագիրն ակնկալում են ստորագրել 2022 թվականի սկզբին, Թուրքիայի նախագահ Ռեջեփ Թայիփ Էրդողանի այցի ընթացքում, գրում է ՌԻԱ Նովոստին։
Ավելի վաղ Զելենսկին ասել էր, որ Ուկրաինան և Թուրքիան պայմանավորվել են ստուգել ազատ առևտրի գոտու համաձայնագրի բոլոր վիճահարույց դրույթները, կողմերը մտադիր են փոխզիջում գտնել՝ փաստաթուղթը ստորագրելու համար։
Ուկրաինայի ֆինանսների նախարար Սերգեյ Մարչենկոն փետրվարի սկզբին հայտարարել էր, որ Ուկրաինայի և Թուրքիայի միջև ազատ առևտրի գոտու շուրջ բանակցությունները վերջին տարիներին զգալի առաջընթաց են գրանցել։
«Շատ եմ հավատում, որ ավարտին կհասցնենք Թուրքիայի հետ Ազատ առևտրի մասին համաձայնագիրը։ Ցանկալի կլիներ դա անել հաջորդ տարվա սկզբին, երբ նախագահ Էրդողանն այցելի Ուկրաինա»,- ասել է Զելենսկին ուկրաինացի դեսպանների հետ հանդիպմանը։
Էմմա Չոբանյան
