19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Շաբաթվա ընթացքում հայտնաբերվել և վնասազերծվել է հրթիռակասետային 23 ռումբ, գնդիկաբեկորային 1 ավիառումբ և 1 հրթիռ․ ԱԻՊԾ
20.12.2021 | 15:35
Արցախի ՆԳ նախարարության ԱԻ պետական ծառայությունն ամփոփում է անցած շաբաթը: 2021 թվականի դեկտեմբերի 13-19-ն ընկած ժամանակահատվածում արտակարգ իրավիճակների պետական ծառայության ճգնաժամային կառավարման կենտրոնում գրանցվել է ընդհանուր 478 զանգ, որից 7-ը՝ հրդեհի վերաբերյալ․ տեղեկացնում են ԱԻՊԾ-ից։
Հրդեհի դեպքերից մեկը գրանցվել է տրանսպորտում՝ Ասկերանի շրջանի Խաչեն գյուղի վարչական տարածքում: Մյուս դեպքերը տեղի են ունեցել Ստեփանակերտում՝ կենցաղային նշանակության շինություններում և աղբանոցներում: Ոչ ոք չի տուժել:
Ճանապարհատրանսպորտաին պատահարի վերաբերյալ 911 ահազանգման կենտրոնում գրանցվել է 2 կանչ: Փրկարարներն արագ արձագանքել են կանչերին և ցուցաբերել համապատասխան օգնություն: Ցավոք, մահվան ելքով ճանապարհատրանսպորտայյին մեկ դեպք է արձանագրվել երեկ՝ դեկտեմբերի 19-ին, Մարակերտի շրջանում:
Շաբաթվա ընթացքում կենցաղային և սոցիալ-կենցաղային բնույթի ևս 32 կանչ է գրանցվել:
Փրկարարները բուժհաստատություն են տեղափոխել առողջական խնդիր ունեցող 6 քաղաքացու: Բնակչությանը ջուր մատակարարելու նպատակով (Ասկերանի շրջան) կատարել են 3 ելք: Դռան բացման վերաբերյալ արձագանքել են 6 կանչի:
Տարբեր տեսակի ու տրամաչափի ռազմամթերքի հայտնաբերման և դրանց ոչնչացման աշխատանքների ուղղությամբ ծառայության սակրավորական խմբերը՝ Հումանիտար ականազերծման կենտրոն հիմնադրամի և The Halo Trust կազմակերպության սակրավորների հետ հետ մեկտեղ ամենօրյա ռեժիմով հանրապետության բոլոր շրջաններում իրականացնում են հետախուզական աշխատանքներ:
Շաբաթվա ընթացքում հայտնաբերվել և վնասազերծվել է հրթիռակասետային 23 ռումբ, գնդիկաբեկորային 1 ավիառումբ, և 1 հրթիռ:
ՆԳՆ ԱԻ պետական ծառայությունը շարունակում է շուրջօրյա ուժեղացված ծառայությունը ԱՀ ամբողջ տարածքում:
