19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Հայտնի են «Օմիկրոն» շտամի ախտանշանները և դրանց առաջացման ժամկետները
18.12.2021 | 19:36
Կորոնավիրուսի «Օմիկրոն» շտամն արագորեն տարածվում է ամբողջ աշխարհում։ ԱՀԿ-ի տվյալներով ՝ դրա ախտանշանները կարող են ի հայտ գալ վարակվելուց 3-14 օր հետո, բայց սովորաբար դրանք արտահայտվում են վարակվելուց 5-6 օր հետո, հայտնում է The Mirror պարբերականը։
«ՌԻԱ Նովոստի»-ի փոխանցմամբ՝ ZOE COVID Study-ի բրիտանացի հետազոտողները, հիմնվելով իրենց հավելվածի օգտատերերի տվյալների վրա, հրապարակել են «Օմիկրոն» շտամին բնորոշ ախտանշանների ցուցակը։
Ըստ Լոնդոնի COVID-19 հիվանդացածների հաղորդագրությունների՝ հիվանդության նոր տարբերակի ախտանիշներից առավել հաճախ հանդիպում են հարբուխ, գլխացավ, հոգնածություն, հաճախակի փռշտոց, ինչպես նաև կոկորդի քերոց։ Express-ի տեղական լրագրողները նաև ուշադրություն են դարձրել անսովոր ախտանիշին, որը փոքր-ինչ հազվադեպ է հանդիպում՝ ախորժակի կորուստ։
Korrespondent.net-ի փոխանցմամբ՝ պրոֆեսոր Թիմ Սպեկտորն ասել է, որ «Օմիկրոնով» հիվանդացածների մեծ մասը դասական ախտանիշներ չի ունենում, ինչպիսիք են համի և հոտի կորուստը:
Կան հինգ ախտանիշներ, որոնք բնորոշ են «Օմիկրոնին»։
- քոր կոկորդում,
- չոր հազ,
- մշտական հոգնածություն,
- մկանային ցավեր,
- երբեմն նույնիսկ գիշերային քրտնարտադրություն։
