05.05.2025 | 17:04
Դատախազությունը պահանջում է Գյուլագարակ համայնքի նախկին ղեկավարից բռնագանձել անշարժ գույքեր, դրամական միջոցներ
Լիրայի ռեկորդային արժեզրկման ֆոնին Թուրքիայում բարձրացրել են նվազագույն աշխատավարձը
Քաղաքականություն
16.12.2021 | 22:31
Թուրքիայի նախագահ Թայիփ Էրդողանը հայտարարել է 2022 թվականին երկրում նվազագույն աշխատավարձի բարձրացման մասին՝ 2825-ից մինչև 4250 լիրայի՝ ազգային արժույքի ռեկորդային անկման պայմաններում, գրում է ՌԻԱ Նովոստին։
Հինգշաբթի Թուրքիայի Կենտրոնական բանկը որոշել է իջեցնել զեղչման տոկոսադրույքը՝ 15%-ից մինչև 14%: Թուրքիայի ԿԲ նիստի արդյունքների հրապարակումից անմիջապես հետո լիրան կրկին արժեզրկվել է՝ մեկ դոլարի դիմաց կազմելով 15,6 լիրա, ինչը դարձել է նոր հակառեկորդ։
«Ամեն տարի դեկտեմբերին նվազագույն աշխատավարձը որոշվում է Աշխատանքի նախարարության, արհմիությունների, գործատուների մասնակցությամբ նիստերում։ Այսօր վերջնական որոշումը կայացվեց։ Բանվորների և գործատուների ներկայացուցիչները տարբեր պատկերացումներ ունեն նվազագույն աշխատավարձի մասին։ Ես ուրախ եմ, որ կողմերը կարողացան կոնսենսուսի հասնել։ Այս բանակցությունների համատեքստում մենք որոշում ենք կայացրել, ըստ որի՝ 2022 թվականին նվազագույն աշխատավարձը կկազմի առնվազն 4250 լիրա։ Իսկ նրանց համար, ովքեր ունեն անչափահաս երեխաներ, այս ցուցանիշն է՛լ ավելի բարձր կլինի»,- լրագրողներին ասել է Էրդողանը։
Տաթև Ֆռանգյան
