19.11.2024 | 22:26
ՌԴ-ում նախկին պատգամավորին «ֆեյքերի» գործով հեռակա կարգով դատապարտել են 8 տարվա ազատազրկման
Մոսկվան պատրաստ է աջակցել Հայաստանի և Թուրքիայի միջև հարաբերությունների կարգավորմանը․ Զախարովա
Քաղաքականություն
15.12.2021 | 19:19
Մոսկվան պատրաստ է նպաստել Անկարայի ու Երևանի միջև հարաբերությունների կարգավորմանը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՌԻԱ Նովոստին։
«Մենք ելնում ենք այն հանգամանքից, որ հայ-թուրքական հարաբերությունների կարգավորումը կնպաստի տարածաշրջանում ընդհանուր մթնոլորտի առողջացմանը, կօգնի վստահության առողջ մթնոլորտի ձևավորմանն ու բարիդրացիությանը»,- ասել է Զախարովան ամենաշաբաթյա ճեպազրույցի ընթացքում։
Նրա խոսքով՝ Մոսկվան ողջունում է Անկարայի ու Երևանի երկկողմ երկխոսություն սկսելու պատրաստակամության ցուցադրությունը՝ կարգավորման խնդիրների քննարկման համար, այդ նպատակով կողմերի կողմից հատուկ ներկայացուցիչների նշանակումը տրամաբանական է ու ողջամիտ։
«Մոսկվան պատրաստ է ամեն կերպ աջակցել այդ գործընթացին»,- ասել է Զախարովան։
Նշենք, որ ավելի վաղ Հայաստանի և Թուրքիայի միջև հարաբերությունների կարգավորման քայլերը ողջունել էր ԱՄՆ պետքարտուղար Էնթոնի Բլինքենը։
Էմմա Չոբանյան
