20.05.2026 | 12:10
Նարեկ Կարապետյանը թաքցրել է օտարերկրյա քաղաքացիությունը՝ ըստ ՔԿ-ի // ԱՄՆ-ը կարող է հարվածել Իրանին․ ԼՈՒՐԵՐ
Խոշոր հրդեհ Հոնկոնգի Համաշխարհային առևտրի կենտրոնում․ տասնյակ մարդիկ արգելափակված են
Քաղաքականություն
15.12.2021 | 10:49
Հոնկոնգում խոշոր հրդեհի է բռնկվել Համաշխարհային առևտրի կենտրոնի շենքում․ տասնյակ մարդիկ արգելափակված են մնացել, զոհերի և վիրավորների մասին տեղեկություններ դեռևս չկան, հաղորդում է South China Morning Post-ը:
Հոնկոնգի Քեզուեյ Բեյ շրջանում գտնվող առևտրի կենտրոնի շենքում հրդեհը սկսվել է տեղական ժամանակով 12։37-ին։ Քանի որ կրակի բռնկումը եղել է ճաշի ժամին, գրասենյակներում շատ աշխատողներ չեն եղել, և մարդկանց կուտակումներն ավելի մեծ է եղել խանութներում ու ռեստորաններում։
Ոստիկանությունից հայտնել են, որ նախնական տվյալներով՝ մոտ 300 մարդ տարհանվել է հինգերորդ հարկ, որտեղ կա բացօթյա տարածք։
Հրդեհի պատճառն ու կրակի թակարդում հայտնվածների քանակը դեռևս հայտնի չէ։ Հրշեջները շարունակում են պայքարը կրակի դեմ։
Տաթև Ֆռանգյան
