18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Մագնուս Կարլսենը ժամանակից շուտ պաշտպանեց շախմատի Աշխարհի չեմպիոնի տիտղոսը
10.12.2021 | 22:04
Նորվեգացի Մագնուս Կարլսենը ժամանակից շուտ պաշտպանել է շախմատի Աշխարհի չեմպիոնի կոչումը՝ ռուս գրոսմայստեր Յան Նեպոմնյաշչիի դեմ 11-րդ պարտիայում հաղթանակ տանելով, գրում է Armsport.am-ը։
Նեպոմնյաշչին, անգամ եթե հաղթեր մնացած 3 պարտիաներում, չէր կարողանա հասնել Կարլսենին․ 11 պարտիայից հետո հաշիվը 7,5-3,5 է՝ հօգուտ նորվեգացու։
Առաջին 5, ինչպես նաև 7-րդ և 10-րդ պարտիաներն ավարտվել են ոչ-ոքի։ 6-րդ, 8-րդ, 9-րդ և 11-րդ Կարլսենը հաղթել է Նեպոմնյաշչիին։
«Անկասկած շատ ուրախ եմ։ Չէի սպասում, որ ամեն ինչ այսքան արագ կավարտվի։ Կարծում եմ՝ ընդհանուր առմամբ շատ լավ, պրոֆեսիոնալ մրցավարտ ստացվեց։ Ոչ մի զղջում չունեմ, շատ գոհ եմ»,- ասել է Կարլսենը հաղթանակից հետո։
