Բացահայտում. Սերժ Սարգսյանը ՀՀԿ-ին պարտադրել է իր թեկնածությունը. ՏԵՍԱՆՅՈՒԹ

Լուրեր

19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
19.11.2026 | 10:00
ԱԺ-ն քննարկում է 2027 թվականի բյուջեի նախագիծը. ՈՒՂԻՂ
19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
Բոլորը

Սերժ Սարգսյանը նախագահի պաշտոնում վերջին աշխատանքային օրը՝ ապրիլի 7-ին, հրաժեշտի հանդիպում ունեցավ վարչապետ Կարեն Կարապետյանի հետ: Համաձայն նախագահականի հաղորդագրության, խոսել են տնտեսական ցուցանիշների մասին: Հանդիպման ամենակարևոր հարցի մասին, սակայն, որևէ տող չկար հղորդագրության մեջ․ ՀՀ նախագահն ու վարչապետը խոսե՞լ են նոր վարչապետի թեկնածուի մասին, թե՝ ոչ:

Այս մասին ապրիլի 9-ին, հրաժարական ներկայացնելուց հետո մանրամասնեց վարչապետ Կարեն Կարապետյանը՝ հայտնի չէ, թե ում տված հարցազրույցում: «Այո, անդրադարձել ենք նաև վարչապետի թեկնածուի վերաբերյալ հարցին, խոսել ենք Սահմանադրության, կառավարման նոր համակարգի մասին: Հաշվի առնելով վերջին ժամանակահատվածում ներկայիս կառավարման կոնֆիգուրացիայով արձանագրված հաջողությունները՝ որոշել ենք մեր կուսակցական գործընկերներին առաջարկել այս ժամանակահատվածում ներկայիս կառավարման կոնֆիգուրացիան պահպանել, այսինքն, որպես առաջին դեմք ներկայացնել Սերժ Սարգսյանի թեկնածությունը»,- հայտնեց Կարեն Կարապետյանը։

Նրա այս հայտարարությունը զարմանալի էր: Ինչո՞ւ: Գաղտնիք չէր, որ Սերժ Սարգսյանը հավակնում է ՀՀ վարչապետի պաշտոնին: Բայց զարմանալին դեպքերի այսօրինակ զարգացումն էր: Մինչ այս, ոչ շարքային ՀՀԿ-ականները, կուսակցության գործադիր մարմնի անդամները, ասել է թե՝ կուսակցության մեջ որոշում կայացնողները, պարբերաբար պնդում էին, թե պետք է դիմեն Սերժ Սարգսյանին, խնդրեն, որ նա դառնա վարչապետ ու եթե հանկարծ չհամաձայնի, ՀՀԿ-ն, որպես կուսակցություն, Սերժ Սարգսյանին կպարտադրի դառնալ Հայաստանի վարչապետ: Ու Սերժ Սարգսյանը, որպես շարքային կուսակցական, պարտավոր է հետևել մայր կուսակցության հրամանին:

Կարեն Կարապետյանը, սակայն, բացեց խաղաքարտերը: Ապրիլի 7-ին, Սերժ Սարգսյան-Կարեն Կարապետյան հանդիպմանը որոշվել է այս ժամանակահատվածում ներկայիս կառավարման կոնֆիգուրացիան պահպանել, այսինքն՝ որպես առաջին դեմք ներկայացնել Սերժ Սարգսյանի թեկնածությունը: Ինքը՝ Սերժ Սարգսյանը, մարտի 19-ին տված հարցազրույցում չէր ժխտել, որ կարող է իշխող կոալիցիայում քննարկումների արդյունքում վարչապետի թեկնածությունը կանգ առնի իր անձի շուրջ: Այսօր, սակայն, պարզվում է հակառակը․ Սերժ Սարգսյանն ինքն է իր թեկնածությունը պարտադրում ՀՀԿ-ին: Ստացվում է՝ իշխող կուսակցությունում, ամենամարդաշատ ու ժողովրդականություն վայելող կուսակցությունում ամենակարևոր հարցերը լուծվում են միանձնյա:

Հարցը մնում է բաց, թե ինչո՞ւ Սերժ Սարգսյանը շտապեց, ինչո՞ւ չսպասեց ՀՀԿ խոհրդի նիստին, որի արդյունքում Կարեն Կարապետյանի հայտարարածը կներկայացվեր որպես քվեարկության արդյունքում միաձայն ընդունված և Սերժ Սարգսյանին պարտադրված որոշում: Գուցե կար մտահոգություն, որ եթե հարցը հասնի գործադիր մարմնին, այլ թեկնածունե՞ր էլ կառաջադրվեն։

 

Սևակ Հակոբյան