07.11.2026 | 17:30
Ծանրորդ Էմմա Պողոսյանն աշխարհի առաջնությունում 8-րդն է
Ճանապարհից հետ է ընկել․ օրեր անց փրկարարները գտել են սպանված. ՏԵՍԱՆՅՈՒԹ
Հաղորդաշարեր
18.05.2024 | 20:00
Ելենա Միքայելյանն ամուսնուն վերջին անգամ տեսել է սեպտեմբերի 19-ին՝ Ադրբեջանի լայնածավալ հարձակման ժամանակ։
Իմանալով, որ ադրբեջանական զորքերն արդեն իրենց գյուղ՝ Ներքին Սզնեք են մտել, ստիպված են եղել կիլոմետրեր անցնել՝ ադրբեջանցիներից խուսափելու ու ապահով որևէ տարածք հասնելու համար, սակայն փախուստի ճանապարհին որոշ մարդիկ, այդ թվում՝ Արտյուշա Միքայելյանը, հետ են մնացել խմբից։
88-ամյա Արտյուշա Միքայելյանը Ասկերանի շրջանի Ներքին Սզնեք գյուղի բնակիչ էր, 42 տարվա մանկավարժ, 5 մատի պես գիտեր գյուղի տարածքը։ Հարազատները հույս ունեին, որ ճանապարհ կգտնի ու իրենց հետ կապ կհաստատի, սակայն նրանից ուղիղ 1 շաբաթ լուր չեն ստացել։
Factor TV-ի հետ զրույցում նրա դուստրը՝ Աստղիկ Միքայելյանը, պատմում է, որ 2023թ․-ի սեպտեմբերի 27-ին փրկարարները հորը գտել են Ասկերանի շրջանի Խաչմաչ գյուղի անտառային հատվածում՝ սպանված։
Դատաբժշկական փորձաքննությամբ պարզ է դարձել՝ մահը գրանցվել է սեպտեմբերի 20-ին, պատճառը՝ գլխուղեղի դիֆուզ տրավմատիկ ախտահարում։
Ճանապարհից հետ մնացած գյուղացիներից երկուսի մասին մինչ այսօր լուրեր չկան, ևս երկուսը նախ գերեվարվել, այնուհետև վերադարձվել են Հայաստան, մեկը շարունակում է պահվել Բաքվում։
Սոֆի Թովմասյան
