24.02.2026 | 11:10
ԱԺ Պետական-իրավական հարցերի մշտական հանձնաժողովի նիստը. ՈՒՂԻՂ
Գերմանիան և Ֆրանսիան «անհանգստացած են» Վրաստանում ստեղծված իրավիճակով
Քաղաքականություն
19.05.2024 | 23:02
Գերմանիան և Ֆրանսիան «խորը մտահոգություն» են հայտնել Վրաստանում տիրող իրավիճակի վերաբերյալ և ասել, որ երկիրը շեղվել է եվրոպական ուղուց։ Համապատասխան համատեղ հայտարարությունը հրապարակվել է այսօր՝ Գերմանիայի կառավարության պաշտոնական կայքում․ փոխանցում է DW-ն։
Հայտարարությունում ասվում է նաև, որ Գերմանիան և Ֆրանսիան «Վրաստանի եվրոպական ուղու ուժեղ ջատագովներն էին» և «ակտիվորեն աջակցում էին» Եվրահանձնաժողովի՝ 2023 թվականի դեկտեմբերին Վրաստանին ԵՄ թեկնածուի կարգավիճակ տրամադրելու որոշմանը։
«Խորը ափսոսանքով մենք ի գիտություն ենք ընդունում Վրաստանի կառավարության և իշխող կուսակցության որոշումը՝ շեղվել այս ճանապարհից՝ գործելով մեր ընդհանուր եվրոպական արժեքների և վրաց ժողովրդի նկրտումների դեմ»,- ասված է հայտարարության մեջ։
Հիշեցնենք, որ Թբիլիսիում բողոքի ցույցեր են սկսվել այն բանից հետո, երբ երկրի խորհրդարան է մտել «Օտարերկրյա ազդեցության թափանցիկության մասին» օրինագիծը։
Վրաստանի նախագահ Սալոմե Զուրաբիշվիլին CNN-ի եթերում ասել է, որ վետո կկիրառի «Օտարերկրյա ազդեցության թափանցիկության մասին» օրինագծի հանդեպ։
