03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Վարչապետին հրավիրում էին «դուելի», ինձ՝ «բոքս կպնելու». այդ մտածողությամբ եկել են ԱԺ. Հրաչյա Հակոբյան․ ՏԵՍԱՆՅՈՒԹ
Քաղաքականություն
10.12.2021 | 16:55
Արդյո՞ք սադրանք է տեղի ունեցել իշխանական պատգամավորների նկատմամբ: Անդրադառնալով օրեր առաջ ԱԺ-ում տեղի ունեցած միջադեպի՝ իշխանական պատգամավորների և ընդդիմադիր պատգամավորների օգնականների միջև տեղի ունեցած ծեծկռտուքի վերաբերյալ այս հարցին՝ «Քաղաքացիական պայմանագիր» խմբակցության պատգամավոր Հրաչյա Հակոբյանը նշեց. «Ես արդեն ասել եմ, որ այդ քաղաքական ուժը վարչապետին հրավիրում էր «դուելի», մինչ այդ ինձ էին հրավիրում «ռինգում բոքս կպնելու»: Նրանք այդ մտածողությամբ են եկել Ազգային ժողով: Հետևաբար իրենց հրավիրած փորձագետները կամ օգնականներն էլ այդ նույն տրամաբանությամբ են եկել ԱԺ՝ ինչ-որ հաշիվներ մաքրելու «դուելի» կամ «բոքսի» միջոցով»:
Դիտարկմանը, որ Նիկոլ Փաշինյանն էլ պատերազմից հետո հայտարարում էր, որ եկել է քաղաքացու վրեժի ժամանակը, Հակոբյանը նշեց. «Չե՞ք տեսնում տարբերությունը: Քաղաքացին կարող է վրեժ լուծել ընտրությունների, բայց ոչ բռնության միջոցով: Այդտեղ որևէ ուժի սպառնալիք չկա»:
Մանրամասները՝ տեսանյութում:
