17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Քրեական գործով անցնող գերիներից 2-ը կալանավորվել է, 1-ը՝ ազատ արձակվել
Հասարակություն
10.12.2021 | 16:29
Դեկտեմբերի 4-ին Հայաստան վերադարձված գերիներից լեյտենանտ Ս․ Ա․-ի և պայմանագրային զինծառայող Ռ․Ն․-ի կալանքի միջնորդությունները բավարարվել են: Այս մասին Factor.am-ի հետ զրույցում նշեցին գերությունից վերադարձածների պաշտպանները: Ս․ Ա․-ն կալանավորվել է 2 ամիս ժամկետով և տեղափոխվել է Նուբարաշեն ՔԿՀ: Այս մասին ասաց նրա պաշտպան Լևոն Վարդապետյանը:
Ռ․Ն-ն կալանավորվել է մեկ ամիս ժամկետով: Դատարանը մերժել է նախկին գերիներից, կոչումով մայոր, գումարտակի հրամանատարի տեղակալ Ն․Ե-ի կալանավորելու միջնորդությունը։ Փաստաբանն ասաց, որ դատարանն առաջարկել է խափանման այլ միջոց կիրառել:
Հիշեցնենք՝ շաբաթ օրը Հայաստան վերադարձած 10 գերիներից 5-ին մեղադրանք է առաջադրվել Քրեական օրենսգրքի 365 հոդվածի 3-րդ մասով՝ մարտական հերթապահություն կամ մարտական ծառայություն կրելու կանոնները խախտելը, որն առաջացրել է ծանր հետևանքներ։ Քննչական կոմիտեն միջնորդություն է ներկայացրել նրանց կալանավորելու համար։
Նարեկ Կիրակոսյան
