11.02.2026 | 12:58
Խարկովի մարզում ռուսական հարվածի հետևանքով 4 զոհ կա, այդ թվում՝ 3 երեխա
ՔՊ-ի պատգամավորները գնում, գերիներին էին դիմավորում, այդ ժամանակ չէի՞ն մտածում, որ նրանք հանցագործ են․ Թագուհի Թովմասյան․ ՏԵՍԱՆՅՈՒԹ
Քաղաքականություն
09.12.2021 | 16:04
«Գերիների նկատմամբ այդ վերաբերմունքը նոր չէ»,- Factor.am-ի հետ զրույցում այս մասին նշեց «Պատիվ ունեմ» խմբակցության պատգամավոր Թագուհի Թովմասյանը՝ անդրադառնալով Նիկոլ Փաշինյանի հայտարարությանը, որ պետք է քննությամբ պարզել, թե ինչպես են գերի ընկել զինծառայողները, նաև համացանցում տարածված սկանդալային տեսանյութին, որտեղ Ալեն Սիմոնյանն ասում է, որ եթե պետք է Սյունիքը կորցնենք, իր համար գերիները չկան:
«Երկար ժամանակ իշխանությունն այդպես է մտածում, պարզապես մեկ անգամ Նիկոլ Փաշինյանը Ազագային ժողովի ամբիոնից այդ մասին հայտարարեց և ասաց, որ գերի ընկնելը փաստացի հանցագործություն է, և պետք է քննել, հասկանալ՝ ինչ հանգամանքներում են գերի ընկել:
Այս հայտարարությունը խիստ ուշացած էր: Երբ որ գերիները վերադառնում էին Հայաստան, Նիկոլ Փաշինյանը դրանից անձնական փիար էր անում և իր կուսակցության դիվիդենտներն էր փորձում բարձրացնել: Ավելի վտանգավոր քայլեր իրականացրին, երբ որ գերիների ոտքերի առջև գառ էին մորթում, որպես հերոների, այդ ժամանակ չէի՞ն մտածում, որ նրանք հանցագործ են, իրենք էին, չէ՞, դա կազմակերպում, իրենց տեղական իշխանիկներն էին կազմակերպում, իրենց պատգամավորներն էին գնում գերիներին իբրև հերոսներ դիմավորում, հիմա ի՞նչ են խոսում: Այսինքն՝ իրենց խոսքն ու գործը, ինչպես միշտ, խիստ անհամապատասխան են:
Իսկ Ալեն Սիմոնյանը ընդամենը բարձրաձայնել է իշխանության հավաքական տեսակետը, ինձ համար բացարձակ զարմանալի չէր այդ տեսակետը»,- նշեց Թովմասյանը:
Մանրամասները՝ տեսանյութում:
