18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Իրանն ու Ադրբեջանը կարևորել են նավթի և գազի ոլորտում համագործակցությունը
Քաղաքականություն
09.12.2021 | 16:11
Ադրբեջանի պատվիրակությունը՝ ադրբեջանական պետական նավթային ընկերության (SOCAR) գործադիր տնօրեն Ռովնագ Իբրահիմ Աբդուլլաևի գլխավորությամբ, Թեհրանում հանդիպել է Իրանի նավթի նախարար Ջավադ Օուջիի հետ, հայտնում է Mehr news-ը։
Հանդիպման ընթացքում Օուջին ընդգծել է երկկողմ հարաբերությունների զարգացումը և Թեհրանի ու Բաքվի միջև նավթի և գազի ոլորտում համագործակցությունը։
Կարևորելով երկկողմ առևտրային հարաբերությունները՝ կողմերը քննարկել են գազային համագործակցության զարգացումը, Իրանի, Ադրբեջանի և Թուրքմենստանի միջև գազի փոխանակման եռակողմ համաձայնագրի իրականացումը և գործարքի իրականացման փուլերի նախապատրաստումը։
Տեղեկացվում է, որ Իրանի նավթի նախարարի հետ ադրբեջանական պատվիրակության բանակցությունների թեմաներից են եղել էներգետիկ հարաբերությունների զարգացումը և Կասպից ծովի տարածաշրջանում համագործակցության ամրապնդումը։
Տաթև Ֆռանգյան
