04.05.2024 | 20:32
«Նոա»-ն հաղթեց «Ալաշկերտ»-ին և կրկին մրցաշարային աղյուսակի առաջատարն է
Երբ որևէ մեկը Սերժ Սարգսյանի հետ կապված բան էր ասում, գնում «պադյեզդում» ապտակում էին․ Ալեն Սիմոնյան․ ՏԵՍԱՆՅՈՒԹ
Քաղաքականություն
09.12.2021 | 14:04
ԱԺ նախագահ Ալեն Սիմոնյանն այսօր խորհրդարանում հայտարարեց, որ դատի է տվել «Հայաստան» խմբակցության պատգամավոր Արեգնազ Մանուկյանին։
«Ես սուտ խոսելու հետ կապված հայց եմ ներկայացրել դատարան։ Տիկին Մանուկյանը վերջին 3 ամսում 4 նախադասություն է կարդում`տեքստի տարբեր տեղերում դնելով` ասֆալտը, Հունաստանը, բուքմեյքերական գրասենյակը, մյուսը չեմ հիշում։ Մի օր ես ձեզ կպատմեմ ձեր ղեկավարի նույն հունական կղզիների պատմությունները։ Ուղղակի չեմ ուզում մտնել անձնական դաշտ, բայց հետաքրքիր բաներ էին պատմում։ Ես չեմ իջնի այդ մակարդակին», – նշեց Սիմոնյանը՝ հավելելով, որ Մանուկյանը ստիպված կլինի պատասխան տալ դատարանում, և դատարանը նրան կպարտավորեցնի ներողություն խնդրել։
Անդրադառնալով վիրավորանքներին՝ Սիմոնյանը հիշեցրեց. «Երբ որևէ մեկը Սերժ Սարգսյանի հետ կապված բան էր ասում, գնում «պադյեզդում» ապտակում էին»:
Անդրադառնալով իշխանությանն ուղղված մեղադրանքներին՝ ատելության խոսք տարածելու հետ կապված, Սիմոնյանը նշեց. «Լավ, բա երբ մենք ընդդիմություն էին, ինչո՞ւ Սերժ Սարգսյանի ընտանիքի անդամների անունները չգիտեինք, ինչո՞ւ մականունավոր պատգամավորներին մականունով հրապարակային չէինք դիմում: Հեղափոխությունից հետո, այն գաղջը, որ կար երկրում, որոշեց այն լուսավոր բանը, որ Հայասանում տեղի ունեցավ, իր գաղջով լցնի՝ մատի փաթաթան դարձնելով ինչ-որ քաղաքացիների կողմից թույլ տված խիստ բացասական դեպքը՝ դագաղներ, լենտեր, որը ես անձամբ եմ քննադատել»:
Ալեն Սիմոնյանը ընդդիմադիր պատգամավորներին նույնպես մեղադրեց ատելության խոսք տարածելու և վիրավորական արտահայտություններ անելու համար. «Գեղամ Մանուկյանը սեռական բնույթի հայհոյանքներ է գրում ֆեյսբուքում երկարատև ժամանակ, Ագնեսա Խամոյանը մտնում է իմ և մնացած մարդկանց նկարների տակ վիրավորանքներ է գրում, հիմա դուք եկել այստեղ ու վիրավորանքից ե՞ք խոսում»,- նշեց Սիմոնյանը:
Մանրամասները՝ տեսանյութում:
