19.05.2026 | 12:24
«Բարսելոնայի» ֆուտբոլիստը չի մասնակցի ԱԱ-2026-ին, Յամալը կարող է բաց թողնել մեկնարկային խաղերը
Լեհաստանը Բելառուսի հետ սահմանին Նիգերիայից ապօրինի միգրանտի դի է հայտնաբերել
Քաղաքականություն
08.12.2021 | 12:04
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Լեհաստանում՝ Բելառուսի սահմանի մոտակայքում, հայտնաբերվել է Նիգերիայից ապօրինի միգրանտի դի։ Այս մասին հայտնել են Լեհաստանի ոստիկանությունից, գրում է ՌԻԱ Նովոստին։
«Նարևսկի շրջանի Օլխովկայի մոտակայքում գտնվող անտառում հայտնաբերվել է տղամարդու դի՝ ուսապարկով և նիգերիական անձնագրով»,- ասվում է ոստիկանության հաղորդագրության մեջ։
Ոստիկանության ներկայացուցիչ Տոմաշ Կրուպայի խոսքով՝ դիակը զինվորները հայտնաբերել են լեհ-բելառուսական սահմանից մոտ 9 կիլոմետր հեռավորության վրա։
Նա նշել է, որ ներկայում պարզվում է մահացածի ինքնությունը, տղամարդու դին հանձնվել է դատաբժշկական փորձագետներին, որոնք կպարզեն մահվան պատճառը։
Այսպիսով, տարեսկզբից Լեհաստանի տարածքում անօրինական միգրանտների 9 դի է հայտնաբերվել։ Միաժամանակ, տարեսկզբից լեհ սահմանապահներն արձանագրել են Բելառուսից սահմանն ապօրինի հատելու շուրջ 40 հազար փորձ։ Սա տասն անգամ ավելի է, քան նախորդ տարի։ Նոյեմբերին արձանագրվել է մոտ 8,9 հազար նման փորձ, հոկտեմբերին՝ 17,4 հազար, սեպտեմբերին՝ 7,7 հազար, օգոստոսին՝ 3,5 հազար։
Տաթև Ֆռանգյան
