14.09.2026 | 15:03
Իրանը կանչել է Ավստրիայի դեսպանին՝ Վիեննայում կայանալիք միջուկային համաժողովին իր պաշտոնյայի մասնակցությունը խոչընդոտելու համար
Էրդողանի կուսակցության փոխնախագահը կրկին խոսել է, այսպես կոչված, «Զանգեզուրի միջանցքի» բացումից
Քաղաքականություն
07.12.2021 | 18:41
Թուրք-ադբեջանական տանդեմը շարունակում է խոսել, այսպես կոչված, «Զանգեզուրի միջանցքի» մասին։ Մասնավորապես, ադրբեջանական լրատվամիջոցների հաղորդմամբ, Թուրքիայի նախագահ Ռեջեփ Թայիփ Էրդողանի «Արդարություն և զարգացում» կուսակցության փոխնախագահ Նուման Քուրթուլմուշը Ստամբուլում ադրբեջանական իշխող «Ենի Ադրբեջան» կուսակցության նախագահի տեղակալ Թաիր Բուգադովի հետ համատեղ մամուլի ասուլիսում հայտարարել է, որ «Զանգեզուրի միջանցքի» բացումը նպաստելու է Թուրքիայի կապերի հաստատմանը թյուրքական այլ պետությունների հետ։
«Մենք ցանկանում ենք, որ պատերազմից հետո ստորագրված համաձայնագրերը իրագործվեն։ Հայաստանը պետք է գործի հայ ժողովրդի շահերին համապատասխան, իր ներդումն ունենա Հարավային Կովկասում խաղաղության հաստատմանը, և ոչ թե գործի հայկական լոբբիի հրահանգով։ Հայկական լոբբին Ֆրանսիայում,ԱՄՆ-ում և այլ երկրներում ունի իր շահերը, իսկ իրականությունը Հայաստանին այլ պայմաններ է թելադրում»,- ասել է Քուրթուլմուշը։
Հավելենք, որ ՀՀ ԱԳՆ-ն այսօր ևս մեկ անգամ հայտարարություն է տարածել ՝ պատասխանելով թուրք-ադրբեջանական նկրտումներին՝ գոյություն չունեցող «Զանգեզուրի միջանցքի» բացման կապակցությամբ։
Էմմա Չոբանյան
