23.04.2025 | 23:16
Ադրբեջանի ԶՈՒ-ն կրակ է բացել Խոզնավար բնակավայրի ուղղությամբ. վնասվել է բնակելի տուն. ՀՀ ՊՆ
Արթուր Վանեցյանի, Սերժ Սարգսյանի և այլ գործիչների նկատմամբ բռնություն գործադրելու կոչեր է հնչեցրել. քրգործը դատարանում է
Հասարակություն
06.12.2021 | 19:55
Քաղաքացի Արշակ Էդուարդի Շահինյանին մեղադրանք է առաջադրվել բռնություն գործադրելու մասին հրապարակային կոչեր հնչեցնելու համար։ Այս մասին Factor.am-ը տեղեկանում է «Դատալեքս» դատական-տեղեկատվական համակարգից։
Մասնավորապես, ըստ մեղադրանքի՝ Արշակ Շահինյանը, սոցիալական ցանցում ստեղծել է «Արշակ Շահինյան» անվամբ անհատական էջ, որով շփվել է տարբեր անձանց հետ։ Քաղաքական և այլ հայացքներով պայմանավորված՝ դիտավորությամբ բռնություն գործադրելու հրապարակային կոչեր է հնչեցրել Սերժ Սարգսյանի, Ռոբերտ Քոչարյանի Արթուր Վանեցյանի, Վազգեն Մանուկյանի, Գառնիկ Իսագուլյանի, Իշխան Սաղաթելյանի հասցեին՝ խոստանալով պարգևատրել նրանց գնդակահարողին։
Տեղադրված նյութի բովանդակության վերաբերյալ տարբեր անձանց թողած մեկնաբանություններից հետո օգտատերը ջնջել է «Արշակ Շահինյան» անվամբ անհատական էջը:
Արշակ Շահինյանին մեղադրանք է առաջադրվել Քրեական օրենսգրքի 226․2 հոդվածի երկրորդ մասի երկրորդ կետով՝ ազգային, ռասայական կամ կրոնական թշնամանք հարուցելը՝ բռնություն գործադրելով կամ դա գործադրելու սպառնալիքով։ Նրա նկատմամբ խափանման միջոց է ընտրվել ստորագրությունը երկրից չհեռանալու մասին։
Ռոզա Վարդանյան
