18.12.2025 | 10:05
Հունգարիայի առաջնության առաջատարը ցանկանում է ձեռք բերել Հայաստանի հավաքականի դարպասապահին
Իշխանությունը մոբիլիզացրել էր ամբողջ ռեսուրսը, բայց շատ համայնքներում պարտվեց. Արթուր Խաչատրյան․ ՏԵՍԱՆՅՈՒԹ
Քաղաքականություն
06.12.2021 | 12:15
«Քաղաքացիական պայմանագիրը» ձախողվել է այս ընտրություններում: Այսօր խորհրդարանական ճեպազրույցի ժամանակ այս կարծիքը հայտնեց «Հայաստան» խմբակցության պատգամավոր Արթուր Խաչատրյանը` անդրադառնալով երեկ կայացած ՏԻՄ ընտրություններին։
ՏԻՄ ընտրությունների նախօրյակին` թե՛ հիմա, թե՛ նոյեմբերին, պետությունն իբրև թե պատահաբար սոցիալական աջակցության քսակը բացեց համայնքների և մարզերի համար»,- նշեց Խաչատրյանը հավելելով` որևէ բան պատահական չէ, և սա զուտ համընկնում չէ։
Պատգամավորի խոսքով՝ համայնքների խոշորացվող փնջերն այնպես են կազմվել, որպեսզի իշխանությունը կարողանա ավելի շատ ձայներ հավաքել:
Ընդդիմադիր պատգամավորը հավելեց, որ ՏԻՄ ընտրություններից առաջ ընդդիմադիր թեկնածուների նկատմամբ հալածանքներ են տեղի ունեցել:
Խաչատրյանի խոսքով՝ իշխանությունն այս ընտրություններում մոբիլիզացրել էր իր ողջ վարչական ռեսուրսը, սակայն այս ամենով հանդերձ պարտվել է. 36 համայնքներից ընդամենը 15-ում է իշխող ուժը կարողացել հավաքել այնքան ձայն, որպեսզի միանձնյա իշխանություն ձևավորի։
Մանրամասները՝ տեսանյութում:
