11.02.2026 | 15:40
Վատ մի՛ զգացեք, դուք Սահմանադրությունն եք պաշտպանում․ Մանուկյանը՝ ԿԿՀ անդամին․ ՏԵՍԱՆՅՈՒԹ
ՀՀ 9 մարզի 38 համայնքում ՏԻՄ ընտրություններն ավարտվեցին
05.12.2021 | 20:00
Հայաաստանի Հանրապետության 9 մարզի 38 համայնքներում ՏԻՄ ընտրություններն ավարտվեցին։ Համայնքներից 36-ում տեղական իշխանությունը կձևավորվի համամասնական ընտրակարգով, ևս 2 համայնքում՝ մեծամասնական ընտրակարգով։
Հիշեցնենք, որ սեպտեմբերի 24-ին Ազգային ժողովն ընդունեց կառավարության ներկայացրած օրենքի նախագիծը, որով 441 համայնքներ միավորվելով կդառնան 38, ընդհանուր Հայաստանում կլինի 79 համայնք՝ ներառյալ Երևանը։ Հենց այս 38 համայնքներում էլ այսօր անցկացվեցին ՏԻՄ ընտրություններ։
Համամասնական ընտրակարգով ընտրություններ տեղի ունեցան Արարատի, Արագածոտնի, Տավուշի, Արմավիրի, Գեղարքունիքի, Լոռու, Վայոց Ձորի, Շիրակի, Կոտայքի խոշոր համայնքներում, իսկ Արագածոտնի մարզի Արևուտ և Մեծաձոր համայնքներում՝ մեծամասնական ընտրակարգով։ Այս երկու համայնքները եզդիաբնակ են, այդ պատճառով էլ չեն ներառվել խոշորացման ծրագրում։
Քվեարկությունը տևեց 12 ժամ․ ընտրատեղամասերը բացվել էին ժամը 08:00-ին, փակվել՝ 20:00-ին։ Քիչ անց կսկսվի հաշվարկը:
