24.09.2026 | 20:30
Լեհաստանը ՌԴ-ին կասկածում է Starlink-ի կայանում բռնկված հրդեհին ներգրավվածության մեջ
Ադրբեջանը Թուրքիայից նոր ռազմական ինքնաթիռ է ձեռք բերել․ ԼՈՒՍԱՆԿԱՐՆԵՐ
Քաղաքականություն
03.12.2021 | 17:43
Ադրբեջանը Թուրքիայից նոր ռազմական ինքնաթիռ է ձեռք բերել։ Այս մասին հաղորդում են ադրբեջանական լրատվամիջոցները։
Նշվում է, որ նոր Hürkuş ինքնաթիռը նախատեսված է զորավարժությունների համար։ Այսօր Ադրբեջանի ռազմաօդային ուժերի հրամանատար, գեներալ-լեյտենանտ Ռամիզ Թահիրովն ու Բաքվում Թուրքիայի դեսպան Ջավիդ Բահչին ներկա են եղել ուսումնական ինքնաթիռի փորձարկմանը։
«Այսօր Hürkuş-ը թռիչք իրականացրեց Ադրբեջանում»,- Twitter-ում գրել է թուրք դեսպանը։
Նշենք, որ Hürkuş ինքնաթիռն առաջին թռիչքն իրականացրել է 2018 թվականին և ներառվել Թուրքիայի ռազմաօդային ուժերի սպառազինությունում։ Hürkuş ուսումնական ինքնաթիռները կիրառվելու են նաև ՆԱՏՕ-ի անդամ երկրների բանակներում։
Էմմա Չոբանյան
