Բրիտանական «Anglo Asian Mining»-ը Արցախի գրավյալ Կովսականի ոսկու հանքում աշխատանքներ կատարելու թույլտվություն է ստացել

Լուրեր

17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
17.11.2026 | 17:00
Երևանի փողոցներում լքված գույքը կտեղափոխվի հատուկ տարածք․ սեփականատերերին 6 ամիս ժամանակ կտրվի՝ այն հետ պահանջելու համար
17.11.2026 | 16:52
Սկսվել է «Տիգրան ջան, սիրուն չի» օպերացիա. Գևորգ Ստեփանյան․ ՏԵՍԱՆՅՈՒԹ
17.11.2026 | 16:40
Մուսաևը 6 անգամ կրակել է Անի Ավետիսյանի ուղղությամբ, ապա գցել մահճակալին և հարվածներ հասցրել. հրապարակվել է Շաքի ներխուժած ադրբեջանցու մեղադրական եզրակացությունը
Բոլորը

Ադրբեջանի կառավարությունը բրիտանական «Anglo Asian Mining» ընկերությանը թույլտվություն է տրամադրել՝ աշխատանքներ իրականացնել Արցախի գրավյալ Կովսականի (Զանգելան) Վեժնալի ոսկու հանքավայրում, հայտնում են ադրբեջանական լրատվամիջոցները։

Նշվում է, որ ընկերության ղեկավար կազմի ներկայացուցիչները, այդ թվում՝ գլխավոր տնօրեն և նախագահ Ռեզա Վազիրին, դեկտեմբերի սկզբին այցելելու են Կովսական՝ ոսկու հանքի տարածքը գնահատելու համար։

««Anglo Asian Mining»-ն ուրախ է հայտնել, որ Ադրբեջանի կառավարությունը ընկերության աշխատակիցներին տրամադրել է Զանգիլանի շրջան մուտքի հնարավորություն: Ընկերության բարձրագույն ղեկավարության անդամները, այդ թվում՝ գլխավոր գործադիր տնօրեն և նախագահ Ռեզա Վազիրին, դեկտեմբերի սկզբին կմեկնեն Զանգիլան՝ գնահատելու Վեժնալիի պայմանագրային տարածքը, ներառյալ՝ այդ տարածքում առկա հանքերը»,- ասվում է ընկերության տարածած հայտարարության մեջ։

Աշխատանքը, որը նախատեսվում է իրականացնել գնահատման ընթացքում, ներառում է պաշարների հետախուզում և երկրաբանական նմուշառում, ստորգետնյա հանքի մուտքերի ուսումնասիրություն, հանքի զննում, աշխատանքի գնահատում, որն անհրաժեշտ է պայմանագրային տարածքում աշխատողներին տեղավորելու համար:

«Այդ գնահատումը հանդիսանում է հանքավայրի մշակման առաջին փուլը։ Ընկերությունն ակնկալում է Վեժնալիի հանքի հետախուզումը սկսել մոտ ապագայում»,- ասվում է հայտարարության մեջ։

Նշենք, ու Արցախյան 44-օրյա պատերազմից հետո Վեժնալիի ոսկու հանքավայրն անցել է ադրբեջանական վերահսկողության տակ։
Միաժամանակ, Ադրբեջանի իշխանությունները, այդ թվում՝ նախագահ Իլհամ Ալիևը, բազմիցս հայտարարել են, որ պատրաստվում են իրավական գործընթաց սկսել մինչ այս հանքը շահագործած օտարերկրյա ընկերությունների դեմ։ Առայժմ, ըստ երևույթին, նախապատրաստական աշխատանքներ են ընթանում, քանի որ հայցեր չեն ներկայացվել։

Հավելենք, որ բրիտանական ընկերության և Ադրբեջանի կառավարության միջև պայմանագիր է ստորագրվել 1997 թվականին, որը նախատեսում է 6 հանքավայրերի շահագործում, որոնց թվում են նաև Արցախի հանքերը։

Ավելի վաղ էլ բրիտանական «Anglo Asian Mining»-ը հայտարարել էր, որ Ադրբեջանի հետ պայմանագիր է կնքել նոր հանքավայրերի մշակման համար, որը ընկերությանը հնարավորություն է տալիս շահագործել երեք նոր հանք՝ 882 քառակուսի կմ ընդհանուր տարածքով։ Նոր պայմանագրի համաձայն՝ ընկերությունը հրաժարվում է Արցախի գրավյալ Քարվաճառի շրջանում գտնող Սոթքի ոսկու հանքավայրի պայմանագրային տարածքի իրավունքից։

Բացի այդ, ընկերությունը նաև հույս էր հայտնել, որ կկարողանա շահագործել Արցախի հայկական վերահսկողության տակ գտնվող հանքերը։

«Ադրբեջանի կառավարությունը բոլոր ջանքերը կգործադրի Գազիլբուլագի (Դրմբոն) և Դեմիրլիի (Կաշեն) պայմանագրային տարածքներ ֆիզիկական մուտք ապահովելու համար»,- ասվում էր ընկերության հայտարարության մեջ։ Այս հանքերը գտնվում են հայկական վերահսկողության տակ։

Հավելենք, որ դեռ Արցախյան պատերազմի ժամանակ բրիտանական այս ընկերությունը բանակցություններ էր վարում Բաքվում Մեծ Բրիտանիայի դեսպանի միջոցով՝ Ադրբեջանի իշխանությունների հետ հանքերի հարցերով։
Էմմա Չոբանյան