Հասարակություն
09.04.2018 | 14:36Հազար երկու հարյուր տեղանոց դահլիճում կարելի էր 50-60 լրագրողի հավատարմագրել, որպեսզի նման վիճակում չհայտնվեին լրագրողները. ՀՀ 4-րդ նախագահի երդմնակալության արարողությունից դուրս գալով՝ ասաց «Հրապարակ» օրաթերթի գլխավոր խմբագիր Արմինե Օհանյանը:
«Սովորաբար այս օրերին մեր լրագրողները ներսում շատ գործ են անում՝ հարցազրույցներ են վերցնում, ընդհանուր մթնոլորտն են ֆիքսում: Իսկ լրատվամիջոցների ղեկավարներին հրավիրելը… մենք նույնը կարող էինք անել նաև էկրաններից այն կողմ: Չնայած այսօր մենք աշխատել ենք՝ ես, «Ազատություն» ռադիոկայանը, ուղիղ եթեր ենք տվել, վիդեոներ ենք աչել,- ասաց նա, ապա հավելեց,- Ի վերջո, նախագահի երդմնակալությունը կարևոր իրադարձություն է ու լրատվամիջոցները պիտի ֆիքսեին և ոչ միայն Հ1-ի կամերան պիտի ֆիքսեր, այլ ընդհանրապես բոլոր ԶԼՄ-ների»:
Մանրամասները՝ տեսանյութում:
