Քաղաքականություն
02.12.2021 | 16:16
Ադրբեջանի ռազմաօդային ուժերը, մարտական պատրաստվածության պլանի համաձայն, ուսումնամարզական թռչիքներ են իրականացրել «Բայրաքթար» անօդաչու թռչող սարքերի կիրառմամբ։ Այս մասին հայտնում են ադրբեջանական լրատվամիջոցները՝ վկայակոչելով երկրի Պաշտպանության նախարարությանը։
«Զորքերի այլ ստորաբաժանումների հետ համագործակցությամբ՝ ուսումնամարզական թռիչքների ընթացքում իրականացվել է օդային հետախուզություն, որոշվել են պայմանական հակառակորդի ցամաքային կոորդինատները և ոչնչացվել ճշգրիտ հարվածներով»,- ասվում է ՊՆ հաղորդագրության մեջ։
Նշվում է, որ ավիացիոն միջոցների թռիչքներն իրականացվել են նախատեսված երթուղիներով և անօդաչուների օպերատորները հաջողությամբ կատարել են իրենց առջև դրած խնդիրները։
Այլ մանրամասներ չեն հաղորդվում։
Էմմա Չոբանյան
