16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Տեղեկություն չունեմ, թե ադրբեջանցիներն Իշխանասարից հետ են քաշվել. ինչ-որ գյուղապետի պետք չէ հղում անել․ Վահե Հակոբյան․ ՏԵՍԱՆՅՈՒԹ
Քաղաքականություն
01.12.2021 | 11:04
Ադրբեջանցիները չեն նահանջել Իշխանասարի տարածքից։ Այս մասին խորհրդարանում լրագրողների հետ զրույցում նշեց ԱԺ «Հայաստան» խմբակցության պատգամավոր Վահե Հակոբյանը:
Նա նշեց՝ քանի որ այնտեղ հիմա եղանակային ոչ բարենպաստ պայմաններ են, անհնար է կանգնել դրսում, ըստ երևույթին ադրբեջանցիները մտել են իրենց կառուցած կառույցների մեջ։ «Այդ իսկ պատճառով ինչ-որ գյուղապետի վրա պետք չէ հղում անել, դիմեք ՊՆ։ Պարզապես երևի վիզուալ չեն երևում, գյուղապետն էլ տենց կարծիք է ձևավորել»,- նշեց Հակոբյանը՝ անդրադառնալով Իշխանասար գյուղի վարչական ղեկավարի հայտարարությանը։
Անդրադառնալով հարցին, թե Սոչիի հանդիպումից հետո հնարավո՞ր է ՀՀ տարածքից հետ քաշվեն ադրբեջանցիները, նա պատասխանեց․ «Իսկ Սոչիում ի՞նչ է եղել, ինչո՞ւ պիտի հետ քաշվեն։ Իրենք տեսնում են, որ իրենց դիմաց թուլամորթ մի հատ անատամ անձնավորություն է, ո՞նց կարող են հետ քաշվել։ Ես կարծում եմ՝ այդ պնդումը որևէ հիմք չունի, ադրբեջանցիները շարունակում են մնալ իրենց դիրքերում»։
Մանրամասները՝ տեսանյութում:
