24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ռայիսին ու Էրդողանը քննարկել են իրավիճակը տարածաշրջանում
Քաղաքականություն
28.11.2021 | 16:46
Թուրքմենստանի մայրաքաղաք Աշխաբադում ընթացող ECO գագաթնաժողովի շրջանակներում տեղի է ունեցել Իրանի նախագահ Իբրահիմ Ռայիսիի հանդիպումը Թուրքիայի նախագահ Ռեջեփ Թայիպ Էրդողանի հետ․ հայտնում է իրանական TASNIM գործակալությունը։
Նշվում է, որ քննարկվել են մի շարք հարցեր, այդ թվում՝ իրավիճակը տարածաշրջանում։
Ռայիսին մտահոգություն է հայտնել Աֆղանստանում «Դաեշ» խմբավորման ահաբեկիչների պատճառով աճող վտանգի մասին։
«Ահաբեկչական խմբավորումները ոչ միայն վտանգ են ներկայացնում Աֆղանստանի համար, այլև խաթարում են տարածաշրջանի անվտանգությունը։ Մենք չպետք է թույլ տանք, որ «Դաեշ»-ը կամ ՔԱԿ-ը խաթարեն անվտանգությունը տարածաշրջանի երկրներում»,-ասել է Իրանի առաջնորդը։
Ռայիսին զրույցի ընթացքում ընդգծել է նաև Ադրբեջանի ու Թուրքիայի հետ սերտ համագործակցության մասին՝ ասելով․ «Երեք երկրներն ունեն շատ մշակությաին, կրոնական և մտածողության ընդհանրություններ։ Այս հարաբերությունները ոչ միայն չպետք է խաթարվեն ինչ-որ բանի հետևանքով, այլև էլ ավելի ամրանան՝ ընդդեմ ընհանուր թշնամիների»։
Իրանի նախագահն անդրադարձել է նաև տարածաշրջանային իրավիճակին և նշել, որ տարածաշրջանի խնդիրները պետք է լուծվեն դրա երկրների կողմից։
«Միջամտությունը դրսից ոչ միայն չի օգնի լուծել խնդիրները, այլև ավելի կբարդացնի իրավիճակը»,-հավելել է Ռայիսին։
Իր հերթին՝ Էրդողանն ընդգծել է իր երկրի պատրաստակամությունը խորացնել հարաբերություններն Իրանի հետ։ Նա նաև կարևորել է Ռուսաստանի դերը տարածաշրջանում։
«Իրանի Իսլամական Հանրապետությունը, Ռուսաստանն ու Թուրքիան կարող են ապահովել անվտանգություն ու կայունություն տարածաշրջանում՝ համագործակցելով տարածաշրջանի մյուս պետությունների հետ»,-ասել է Էրդողանը։
