28.04.2026 | 21:00
ԲԱՆԱՎԵՃ․ Հիբրիդային հարձակումներ, միջամտություն ՀՀ-ի ներքաղաքական կյանքին․ ինչպե՞ս պայքարել
ՄԱԿ-ի Անվտանգության խորհուրդը նիստ կգումարի Սկրիպալի թունավորման հարցով
Քաղաքականություն
05.04.2018 | 20:17
ՄԱԿ-ի Անվտանգության խորհուրդը բաց նիստ կգումարի՝ քննարկելու ռուսաստանցի նախկին հետախույզ Սերգեյ Սկրիպալի թունավորման հարցը. տեղեկացնում է ria.ru-ն՝ հղում անելով ՄԱԿ-ում իր աղբյուրին:
Նախկինում ՄԱԿ-ի Անվտանգության խորհուրդը Բրիտանիայի խնդրանքով էր նիստ անցկացրել, բայց որևէ որոշում չէր ընդունվել, այս անգամ նիստ անցկացնելու առաջարկն արել է Ռուսաստանը:
Հիշեցնենք, որ մարտի 5-ին Սոլսբերի քաղաքի ոստիկանությունը հաղորդել էր, որ քաղաքի առևտրի կենտրոններից մեկում անհայտ ծագման վտանգավոր նյութից անգիտակից վիճակում հիվանդանոց է տեղափոխվել երկու անձ։ Հետագայում պարզվել է, որ խոսքը Սկրիպալի և նրա դստեր մասին է:
Նշենք նաև, որ Սկրիպալը Ռուսաստանում 2006 թվականին դատապարտվել էր Մեծ Բրիտանիայի օգտին լրտեսելու համար, իսկ 2010 թվականին ապաստան էր ստացել Մեծ Բրիտանիայում. նրան փոխանակել են ԱՄՆ-ում ձերբակալված ռուս գործակալների հետ:
