28.04.2026 | 19:44
Ինչպես է Փաշինյանի երգը հնչել դպրոցում. տնօրենը մանրամասներ էր պատմում
Ընդդիմությունը չի կարողանում ժողովրդին համախմբել, իսկ իշխանությունն իրենից շատ գոհ է, որ ժողովուրդը հուսալքված է. «Հոգևոր Հայաստանը» համազգային ընտրանի կձևավորի. ՏԵՍԱՆՅՈՒԹ
Քաղաքականություն
05.04.2018 | 16:26
Մենք փորձեցինք հիմնել «Հոգևոր Հայաստանը» և բոլորի մեջ եղող այդ լույսը համախմբելով, ստեղծել այն հոգևորը շերտը, որի գոյությամբ է պայմանավորված մեր վաղվա օրը. այսօր լրագրողների հետ զրույցում ասաց ռեժիսոր, դրամատուրգ Խաչիկ Չալիկյանը, որը «Հոգևոր Հայաստան» նախաձեռնության հիմնադիր անդամներից է:
«Այսօրվա մարտահրավերները պարտադրում են կոնկրետ գործի անցնել: Մենք մեր աչքի առաջ կորցրեցինք մեր հոգևոր հայրենիքը. ընդդիմությունը չի կարողանում ժողովրդին համախմբել, իշխանությունը իրենից շատ գոհ է, որ ժողովուրդը հուսալքված է, բայց վերջ ի վերջո, դա իշխանության համար աղետ է»,- ասաց արվեստագետը՝ նշելով, որ հենց այսօրվանից պատրաստվում են քաղաքական տարբեր շերտերի հետ հանդիպումներ սկսել՝ ձևավորելու համար համազգային ընտրանի:
Ասուլիսի մյուս բանախոս, երգահան, երաժիշտ Եղիշե Պետրոսյանը նշեց, որ «Հոգևոր Հայաստանը» իր գոյության մեկուկես տարվա ընթացքում բավական մեծ աշխատանքներ է իրականացրել. «Մենք պետք է կարողանանք կատարել այդ թռիչքը, որը կունենա ազգին համախմբելու, քաջալերելուՙ գոտեպնդելու էֆեկտը, ու մենք հաստատ կհաջողենք, քանի որ ինքներդ էլ տեսնում եք, որ աշխարհը խառնվել է իրար, մի կաթսայի պես եռում է, ու Աստված գիտե, որ օրը որ տեղից ինչ հարված կարող է հասցվել»:
Մանրամասները տեսանյութում:
