16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Արևմուտքը կօգնի Ուկրաինային՝ ՌԴ-ի հարձակման դեպքում․ ուկրաինացի պաշտոնյա
Քաղաքականություն
22.11.2021 | 19:44
Ուկրաինայի ազգային անվտանգության և պաշտպանության նախարարության քարտուղար Ալեքսեյ Դանիլովը հայտարարել է, որ գործընկերները պատրաստ են աջակցել Ուկրաինային՝ ՌԴ-ի հարձակման դեպքում, գրում է korrespondent-ը։
Դանիլովն ընդգծել է, որ աշխարհը հասկանում է, թե ինչ է կատարվում Ուկրաինայի սահմաններին։
«Միակ բանը, որ անհայտ է մնում, այն է, թե Պուտինը կհարձակվի՞, և եթե այո, ապա երբ: Այնուամենայնիվ, մենք պետք է պատրաստ լինենք, և մեր գործընկերները մեզ վստահեցրել են, որ կօգնեն Ուկրաինային «Չ» ժամանակի գալու դեպքում»,- հավելել է Դանիլովը։
Հավելենք, որ «Չ» ժամանակն համընդհանուր ռազմական տերմին է, որը նշանակում է ռազմական օպերացիայի մեկնարկ։
Հիշեցնենք, որ Ուկրաինայի Պաշտպանության նախարարության գլխավոր հետախուզության վարչության պետ Կիրիլ Բուդանովը հայտարարել է, որ Ռուսաստանն Ուկրաինայի հետ սահմանին ավելի քան 92 հազար զինծառայող է կուտակել ու պատրաստվում է հարձակման, որը կարող է տեղի ունենալ 2022 թվականի հունվարի վերջին՝ փետրվարի սկզբին։
Տաթև Ֆռանգյան
