19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Թուրքիայում հայտարարել են, որ S-400-ների գնումը թուրքական ռազմարդյունաբերական համալիրի վճռականության ու ռազմավարության ցուցիչն է
Քաղաքականություն
19.11.2021 | 21:08
Թուրքիայի ռազմարդյունաբերական համալիրը ջանքեր է գործադրում երկրի ռազմաօդային ուժերի՝ բարձր մակարդակով տեխնիկական պատրաստվածությանը նպաստելու համար։ Այս մասին հայտարարել է Թուրքիայի ռազմարդյունաբերության համալիրի ղեկավար Իսմայիլ Դեմիրը «Անադոլու» գործակալություն այցելության ժամանակ։
Անդրադառնալով Անկարայի և Վաշինգտոնի միջև պաշտպանական ոլորտի շուրջ երկխոսությանը՝ Դեմիրը նշել է, որ բանակցություններ են ընթանում երկու երկրների պաշտպանական գերատեսչությունների մակարդակով՝ հաշվի առնելով այն հանգամանքը, որ Թուրքիայի պաշտպանական արդյունաբերության վարչությունը ամերիկյան պատժամիջոցների տակ է։ Նա ասել է, որ թուրք-ամերիկյան հարաբերությունների օրակարգում Թուրքիային 1․4 մլրդ դոլարի վերադարձն է։
Թուրքիայի ռազմաօդային ուժերի F-16 կործանիչների արդիականացման վերաբերյալ Դեմիրը նշել է, որ թուրքական պաշտպանական ընկերությունները գործադրում են հնարավոր բոլոր ջանքերը։
Նա նաև բարձր է գնահատել նախագահ Ռեջեփ Թայիփ Էրդողանի դիրքորոշումը, այդ թվում՝ S-400 զենիթահրթիռային համակարգերի գնման հարցում։
«S-400 համակարգերի գնումը վճռականության ու ռազմավարության ցուցիչ է, որը հնարավորություն կտա մեզ համատեղ արտադրություն ստեղծել, դառնալ ինքնաբավ, թուրքական հակաօդային պաշտպանական համակարգերի մակարդակը հասցնել նոր աստիճանի»,- ասել է Իսմայիլ Դեմիրը։
Նշենք, որ հենց ռուսական այս համալիրների գնման համար ԱՄՆ-ն պատժամիջոցներ է սահմանել Թուրքիայի, այդ թվում՝ անձամբ Իսմայիլ Դեմիրի նկատմամբ։
Էմմա Չոբանյան
