28.04.2026 | 21:00
ԲԱՆԱՎԵՃ․ Հիբրիդային հարձակումներ, միջամտություն ՀՀ-ի ներքաղաքական կյանքին․ ինչպե՞ս պայքարել
Ադրբեջանը սադրանքների միջոցով փորձում է վախի մթնոլորտ ստեղծել Արցախում և Հայաստանում, որպեսզի մտածենք՝ որքան հնարավոր է շուտ լուծենք ղարաբաղյան հարցն առանց զոհերի. Վաղարշակ Հարությունյան. ՏԵՍԱՆՅՈՒԹ
Քաղաքականություն
04.04.2018 | 15:26
1994թ.-ին, երբ զինադադար հայտարարվեց եղան տարբեր առաջարկներ՝ փաթեթային, փուլային, բայց հիմնականն այն էր, որ հայկական կողմը զիջում է տարածքներ, հետո քննարկվում է Ղարաբաղի կարգավիճակը. այսօր լրագրողների հետ զրույցում ասաց պաշտպանության նախկին նախարար, գեներալ-լեյտենանտ Վաղարշակ Հարությունյանը:
«Մադրիդյան սկզբունքներում առաջին անգամ ֆիքսվեց, որ ինքնորոշման իրավունքը Ղարաբաղի ժողովրդինն է: Իսկ ադրբեջանական կողմը դրա հետ համաձայնել չէր կարող»,- ներկայացրեց գեներալ-լեյտենանտը:
Բանախոսն ապա նշեց, որ ադրբեջանական կողմին հաջողվեց որոշակի հաջողության հասնել միայն առաջին գիշերը ու այն հատվածներում, որտեղ հայկական կողմը բավարար զգոն չէր: Սակայն հետո հակազդեցություն ստանալով՝ նահանջեց, ապա երկու օր անց ադրբեջանական կողմը հաշտություն խնդրեց:
«Ադրբեջանը սադրանքների միջոցով փորձում է վախի մթնոլորտ ստեղծել Արցախում և Հայաստանում, որպեսզի մենք մտածենք, որքան հնարավոր է շուտ լուծենք ղարաբաղյան հարցն առանց զոհերի», – ասաց նախկին նախարարը:
Մանրամասները՝ տեսանյութում:
