15.12.2025 | 18:01
Զինվորին, ըստ ՔԿ-ի, ինքնասպանության են հասցրել // ԱՄՆ-ն ցանկանում է` Կիևը զիջի արևելյան Դոնբասը
Պուտինը հանձնարարել է սպազինությունների նոր ծրագրում շեշտը դնել հիպերձայնային զենքերի, արհեստական բանակության և ռոբոտների մշակման վրա
Քաղաքականություն
10.11.2021 | 23:14
Սպառազինությունների նոր պետական ծրագրում պետք է շեշտը դնել հիպերձայնային, ֆիզիկական նոր սկզբունքներով զենքի, արհեստական բանակության և ռոբոտների վրա։ Այս մասին հայտարարել էՌԴ նախագահ Վլադիմիր Պուտինը, գրում է «Ինտերֆաքսը»։
«Ակնհայտ է, որ սպառազինության նոր պետական ծրագիր մշակելիս պետք է մանրամասն հաշվի առնենք համաշխարհային բոլոր հիմնական միտումները։ Առաջին հերթին դա առաջատար տեղեկատվական, կենսաճանաչողական տեխնոլոգիաների ներդրումն է, հիպերձայնային համալիրների և նոր ֆիզիկական սկզբունքներով հետախուզության նորագույն համակարգերի, նավիգացիայի, կապի շեշտադրումը»,- ասել է Պուտինը ՌԴ ռազմարդյունաբերական կոմիտեի նիստին։
Նա նաև խոսել է ռազմական տեխնիկայի ֆունկցիոնալության և մարտական կայունության բարձրացման անհրաժեշտության, այդ թվում՝ արհեստական բանակության և ռոբոտատեխնիկայի լայն կիրառման մասին։
«Դրանք այն ուղղություններն են, որոնք վճռականորեն կորոշեն մեր զինված ուժերի ապագա տեսքը և ռազմական ներուժը»,- ասել է ՌԴ նախագահը։
Նրա խոսքով՝ սպառազինության պետական ծրագրի առաջնահերթությունների թվում է առաջադեմ սպառազինությունների մշակումը։ Պուտինը նշել է, որ Ռուսաստանի ռազմարդյունաբերական համալիրն աշխատում է կայուն, և 2020 թվականին պաշտպանության պետական պատվերը կատարվել է 96,2%-ով։
Ըստ Պուտինի՝ ռուսական բանակը սպառազինվում է «նորագույն զենքերով, որոնք իրենց տեխնիկատակտիկական բնույթով չեն զիջում, շատ դեպքերում էլ գերազանցում են օտարերկրյա անալոգներին, որոնց թվում են 5-րդ սերնդի Սու-57 կործանիչները, S-500 զենթիահրթիռային համակարգերը»։
Էմմա Չոբանյան
