14.09.2026 | 13:45
Էդգար Ղազարյանի ճեպազրույցը. ՈՒՂԻՂ
Էրդողանը հայտարարել է, որ Թուրքիայի նպատակն է՝ դառնալ աշխարհի առաջատար տերություններից մեկը
Քաղաքականություն
10.11.2021 | 16:39
Թուրքիայի իշխանություններն առավելագույն ջանքերն են գործադրում՝ երկիրն աշխարհի առաջատար տերությունների շարքում ներառելու համար։ Դրան կհաջողվի հասնել զարգացած ենթակառուցվածների, երկրի քաղաքական ու տնտեսական հզորության շնորհիվ, հայտարարել է Թուրքիայի նախագահ Ռեջեփ Թայիփ Էրդողանը Աթաթուրքի հիշատակի արարողության ժամանակ, գրում է «Անադոլու» գործակալությունը։
Էրդողանը նշել է, որ Աթաթուրքի կողմից 1923 թվականին ժողովրդի կամքի գերակայության սկզունքով հիմնված նոր պետությունը թուրք ժողովրդի 2000-ամյա պետականության ավանդույթի շարունակությունն է։
Նա ասել է, որ Թուրքիայի գործող իշխանությունները հետևում են առաջին նախագահի ուղեգծին՝ ամրացնելով երկրի քաղաքական դիրքերը, զարգացնելով տնտեսությունն ու ռազմական հզորությունը։
Թուրքիայի նախագահը պատասխանել է քննադատություններին ու Անկարային ուղղված կոչերին՝ հետ կանգնել Սիրիայում ու Լիբիայում քայլերից։
«Մուսթաֆա Քեմալ Աթաթուրքը գտնվում էր առաջնագծում բոլոր ճակատներում, որոնք կարևորություն էին ներկայացնում թուրք ժողովրդի շահերի համար»,- ասել է նա՝ նշելով, որ Թուրքիան այսօր ներգրավված է Սիրիայում, Լիբիայում ու Կովկասում գործընթացներում։
«Ժամանակակից Թուրքիան ակտիվ դիվանագիտական պայքար է տանում Եվրոպայում ու աշխարհում։ Մենք «Թուրքական տունն» ենք բացել Նյու Յորքում ՄԱԿ-ի կենտրոնակայանի դիմաց։ Այդպիսով մենք լավագույն պատասխանն ենք տվել մեր քննադատներին»,- ասել է Թուրքիայի նախագահը։
Էմմա Չոբանյան
