11.02.2026 | 23:36
Քարաթափումներ Երևան-Մեղրի ավտոճանապարհին. վնասվել են ավտոմեքենաներ
Գյուղի բնակիչները անհանգստացած են․ ի՞նչ է պատմում Խաչիկ գյուղի տրակտորիստը, որի վրա երեկ կրակել էին
Հասարակություն
10.11.2021 | 11:59
«Ասում են կարող ա էլ չկարողանանք իջնենք, արտերում գործ անենք։ Գյուղի բնակիչները անհանգստացած են», – Factor TV-ի հետ զրույցում այսօր ասաց Խաչիկ գյուղի տրակտորիստը, որի վրա երեկ կրակել էին ադրբեջանական դիրքերից։
Թաթուլ Ասատրյանը ուրիշի արտում, իր տրակտորով գյուղատնտեսական աշխատանքներ կատարելիս է եղել, երբ կրակոցի հետևանքով կոտրվել է տրակտորի ապակին։ Կրակոցի ձայները չի լսել, ապակու վնասվելուց է միայն հասկացել, որ կրակոց էր և արագ հեռացել է տարածքից։
«Վերջին 20 տարում էդպիսի բան չէր եղել, մենք միշտ հանգիստ աշխատել ենք արտերում, իսկ հիմա չգիտենք ինչ է լինելու», – ասաց Թաթուլ Ասատրյանը։
Հիշեցնենք, որ նոյեմբերի 9-ին ադրբեջանական դիրքերից կրակել էին Վայոց ձորի մարզի Խաչիկ գյուղում գյուղատնտեսական աշխատանքներ իրականացնող տրակտորիստի վրա։
Սաթենիկ Հայրապետյան
