14.09.2026 | 14:15
Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով
ՌԴ-ի և Ֆրանսիայի ԱԳՆ ու ՊՆ ղեկավարները կքննարկեն ՀՀ-ի և Ադրբեջանի միջև ստեղծված ճգնաժամը
Քաղաքականություն
10.11.2021 | 12:46
Նոյեմբերի 12-ին Փարիզում Լիբիայի հարցով միջազգային համաժողովի շրջանակում Ռուսաստանի և Ֆրանսիայի արտաքին գործերի ու պաշտպանության նախարարները երկկողմ հանդիպում կանցկացնեն, որոնց ընթացքում, ի թիվս այլ հարցերի, կքննարկվի նաև Հայաստանի ու Ադրբեջանի միջև ստեղծված ճգնաժամը։ ՏԱՍՍ-ի հաղորդմամբ՝ այս մասին հայտնել են Ֆրանսիայի ԱԳՆ մամլո ծառայությունից։
«Լիբիայի հարցով միջազգային համաժողովի շրջանակում արտաքին գործերի և Եվրոպայի հարցերով նախարարը [Ժան-Իվ Լը Դրիանը] և Ֆրանսիայի Զինված ուժերի նախարարը [Ֆլորենս Պարլին] կհյուրընկալեն իրենց ռուս գործընկերներին՝ նախարարներ Սերգեյ Լավրովին և Սերգեյ Շոյգուին։ Հանդիպումները կկայանան նոյեմբերի 12-ին Փարիզում՝ անվտանգության հարցերով համագործակցության խորհրդի շրջանակում»,- ասված է հաղորդագրության մեջ։
«Նախարարները կքննարկեն Եվրոպայում ռազմավարական կայունության և անվտանգության հարցերը, ինչպես նաև տարածաշրջանային և միջազգային ճգնաժամերի քաղաքական ու ռազմական ասպեկտները, հատկապես՝ կապված Ուկրաինայի իրավիճակի և Սահել-Սահարայի գոտում իրավիճակի հետ, Ֆրանսիան իր մտահոգությունները կհայտնի Ռուսաստանի գործողությունների վերաբերյալ։ Քննարկումներ կլինեն նաև ԵԱՀԿ Մինսկի խմբի շրջանակում Ֆրանսիայի և Ռուսաստանի աշխատանքի վերաբերյալ՝ Հայաստանի և Ադրբեջանի միջև ճգնաժամի կարգավորման ու Համատեղ համապարփակ համաձայնագրի դրույթների կատարման շուրջ Իրանի հետ բանակցությունների շուտափույթ վերսկսման թեմաների շուրջ»,- ասված է հայտարարության մեջ։
Տեղեկացվում է նաև, որ ի թիվս այլ հարցերի՝ կքննարկվեն տարածաշրջանային անվտանգության խնդիրները Մերձավոր Արևելքում, Աֆղանստանում և Հնդկախաղաղօվկիանոսյան տարածաշրջանում:
Տաթև Ֆռանգյան
