19.12.2025 | 20:49
Ստամբուլի մոտակայքում ռուսական ԱԹՍ է կործանվել
Անտեղի են խոսակցությունները, թե ինձ պարտադրել են մարզպետ նշանակվել․ Նազելի Բաղդասարյան. ՏԵՍԱՆՅՈՒԹ
Քաղաքականություն
09.11.2021 | 15:15
«Լրատվամիջոցների կարևորությունն ու դերը միշտ նշանակալից է։ Ձեզանից մեկն եմ եղել, հանգամանքների և իրողությունների բերումով հիմա էլ կարգավիճակ եմ զբաղեցնում, որը ոչ պակաս պատասխանատու է։ Հասկանալով, որ իրական և մնայուն իշխանությունը 4-րդ իշխանությունն է, ես գիտեմ, որ մարզպետները գալիս և գնում են, լրագրողները մնում են: Ես լիահույս եմ, որ համագործակցությունը հետագայում արդյունավետ կլինի, պատրաստ եմ բաց, թափանցիկ աշխատանքի․ լրագրողների առաջ մարզպետարանի դռները միշտ բաց են»,- այս մասին լրագրողների հետ զրույցում նշեց Շիրակի նորանշանակ մարզպետ, «Քաղաքացիական պայմանագիր» խմբակցության քարտուղար Նազելի Բաղդասարյանը:
Նա հավելեց, որ իր համար շատ պատասխանատու է Շիրակի մարզպետի պաշտոնը ստանձնելը, ընդունելով վարչապետի առաջարկը՝ այս ծանր փուլում որոշել է վերադառնալ Շիրակի մարզ՝ գիտակցելով խնդիրների բազմազանությունը։
«Շատ դժվար է օրենսդիր մարմնից տեղափոխվել գործադիր մարմին, և եթե Աստծո կամոք հաջողեմ նաև այս ոլորտում, դա կլինի մարզի բոլոր բնակիչների հաջողությունը, որովհետև ինչ անելու ենք, անելու ենք մեր մարզի, մեր քաղաքի, մեր երկրի համար»,- նշեց Բաղդասարյանը:
Անդրադառնալով հարցին՝ եղե՞լ է որևէ պարտադրանք Շիրակի մարզ վերադառնալու, նորանշանակ մարզպետը պատասխանեց․ «Ազգային ժողովի պատգամավորը որևէ կերպ կաշկանդված չէ իր լիազորություններով և ի՞նչ պարտադրանքի մասին է խոսքը, երբ որ դու պարզապես պատասխանատվություն ես ստանձնում։ Ես կարծում եմ՝ նման խոսակցություններն անտեղի են, առաջարկություն եղել է, տևական ժամանակ մտածել եմ մինչ համաձայնություն տալը և կարծել եմ՝ պետք է պատվով շարունակեմ այն գործը, որը իմ գործընկերները սկսել են։ Պետք է հնարավորինս կառավարության իրականացրած ծրագրերը, նախանշած այն անելիքները, որոնք կապված են մարզի հետ, արդյունավետ կերպով ներկայացնեմ և նպաստեմ դրանց իրագործմանը»։
Մանրամասները՝ տեսանյութում:
