14.09.2026 | 14:15
Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով
Իրանի ԱԳ նախարարը հայտարարել է, որ Թեհրանի ու Բաքվի հարաբերությունները շարունակում են բարիդրացիական հունով ընթանալ
Քաղաքականություն
05.11.2021 | 15:18
Իրանի ԱԳ նախարար Հոսեյն Ամիր Աբդոլլահիանը հայտարարել է, որ Թեհրանի և Բաքվի հարաբերությունները շարունակվում են բարիդրացիական հունով ընթանալ։ Այս մասին գրում է իրանական Mehr գործակալությունը։
«Որոշ հարցերում կարող են լինել կարծիքների տարբերություններ, բայց կարևոր է, որ կա լրջագույն կամք երկու կողմից՝ հաղթահարելու բոլոր խոչընդոտները»,- ասել է իրանցի պաշտոնյան։
Նա նաև նշել է, որ իր ադրբեջանցի գործընկեր Ջեյհուն Բայրամովի հետ երկու երկրների անունից շարունակելու են դրական շփումներն ու խորհրդակցությունները՝ լիովին հաղթահարելու թյուրիմացություններն ու զարգացնելու հարաբերությունները։
«Այս համատեքստում մենք պայմանավորվել ենք ավելացնել համագործակցությունը երկու երկրների միջև՝ ձևավորել հանրային կարծիքի ու մեդիա տարածքի ավելի լավ կառավարման համատեղ հանձնաժողով։ Մենք մեր հարևաններին համարում ենք մեզ հարազատներն ու կարևորում ենք ազգակցական հարաբերությունները կառավարող սկզբունքները»,- ասել է Աբդոլլահիանը։
Նշենք, որ Իրանի ու Ադրբեջանի հարաբերությունները կտրուկ լարվել էին, երբ Բաքուն սեպտեմբերի 15-ի Գորիս-Կապան ճանապարհին ձերբակալել էր իրանցի երկու վարորդի ու սկսել հարկել իրանական բեռնատարները։ Ավելի ուշ Բաքուն ազատ արձակեց իրանցի վարորդներին ու նրանց վերադարձրեց Թեհրանին։
Էմմա Չոբանյան
