18.12.2025 | 23:24
ՀՀ տարածքում ավտոճանապարհները հիմնականում անցանելի են
Միխայիլ Սաակաշվիլին հայտնել է կրիտիկական առողջական վիճակի մասին
Քաղաքականություն
04.11.2021 | 20:26
Ուկրաինայի գերագույն ռադայի մարդու իրավունքների օմբուդսմեն Լյուդմիլա Դենիսովան հայտնել է, որ նամակ է ստացել Վրաստանի նախկին նախագահ, Ուկրաինայի Բարեփոխումների ազգային խորհրդի գործադիր կոմիտեի ղեկավար Միխայիլ Սաակաշվիլիից, որում նա հայտնել է իր կրիտիկական առողջական վիճակի մասին, գրում է ՌԻԱ Նովոստին։
Սաակաշվիլին բանտում հացադուլի մեջ է արդեն 35-րդ օրը։
«Այսօր նամակ եմ ստացել Ուկրաինայի քաղաքացուց, Ուկրաինայի նախագահին առընթեր բարեփոխումների ազգային խորհրդի գործադիր կոմիտեի նախագահ Միխայիլ Սահակաշվիլիից։ Հացադուլի 35-րդ օրը Միխայիլը հայտնում է, որ իր առողջական վիճակը կրիտիկական է, իսկ նախօրեին արված հետազոտության արդյունքներն անբավարար են»,- գրել է Դենիսովան Telegram-ում։
Վերջինս նաև հրապարակել է քաղաքական գործչի նամակի լուսանկարը։
Նա Վրաստանի իշխանություններին կոչ է արել հավատարիմ մնալ միջազգային իրավունքի նորմերին և Սաակաշվիլիին պատշաճ բժշկական օգնություն ցուցաբերել։
Տաթև Ֆռանգյան
