14.09.2026 | 17:57
Կրեմլը ողջունել է Կիևին ուղղված Թրամփի կոչը՝ դադարեցնել ՌԴ-ի տնտեսական ենթակառուցվածքների վրա հարձակումները
ՌԴ-ն և Ադրբեջանը հաստատել են երկու երկրների պետական սահմանի դեմարկացիայի 2022թ․ աշխատանքային պլանը
Քաղաքականություն
02.11.2021 | 22:08
Ռուսաստանն ու Ադրբեջանը հաստատել են պետական սահմանի դեմարկացիայի հանձնաժողովի 2022 թվականի աշխատանքի պլանը։ Այս մասին գրում է ՌԻԱ Նովոստին՝ վկայակոչելով ՌԴ ԱԳՆ-ն։
«Նախորդ շաբաթ Պյատիգորսկում կայացել է համատեղ ռուս-ադրբեջանական դեմարկացիոն հանձնաժողովի 10-րդ նիստը։ Քննարկվել են Ռուսաստանի Դաշնության և Ադրբեջանի Հանրապետության միջև պետական սահմանի սահմանազատման գործընթացի շարունակման հետ կապված հարցեր, հաստատվել է հանձնաժողովի 2022 թվականի աշխատանքային ծրագիրը»,- ասվում է հաղորդագրության մեջ։
Հանդիպմանը կողմերը հաստատել են, որ ռուս-ադրբեջանական դեմարկացիոն համատեղ հանձնաժողովի 2021 թվականի աշխատանքային պլանն ամբողջությամբ իրականացվել է։ Հանձնաժողովի հերթական նիստը նախատեսվում է անցկացնել Ադրբեջանում, ժամկետները հստակեցվելու են դիվանագիտական խողովակներով։
Նշենք, որ երկու երկրների միջև սահմանը հաստատված է 2010 թվականի հոկտեմբերի 3-ին կնքված պայմանագրով։ Ադրբեջանի և ՌԴ-ի միջև ցամաքային սահմանը 284 կմ է։
Էմմա Չոբանյան
