30.07.2026 | 13:33
Հայաստանի պատանի ինֆորմատիկները Եվրոպական օլիմպիադայում 4 մեդալ են նվաճել
ՌԴ դեսպանին հարցեր ենք տվել ստորագրվող փաստաթղթի մասին. Սեյրան Օհանյան․ ՏԵՍԱՆՅՈՒԹ
Քաղաքականություն
29.10.2021 | 11:18
«Հայաստան» խմբակցությունը երեկ հանդիպում է ունեցել ՀՀ-ում Ռուսաստանի դեսպան Սերգեյ Կոպիրկինի հետ: Այս մասին խորհրդարանական ճեպազրույցների ժամանակ հայտարարեց խմբակցության ղեկավար Սեյրան Օհանյանը և հայտնեց, որ ՌԴ դեսպանի հետ քննարկել են իրադրությունը, ներկայացրել ռազմաքաղաքական իրավիճակի վերաբերյալ իրենց խմբակցության դիրքորոշումը։
«Քննարկել ենք նաև այն իրադրությունը, որ ստեղծվել է Հայաստանի շուրջ, կարևորել ենք հայ-ռուսական համագործակցությունը։ Խոսել ենք միացյալ զորախմբի մասին, սահմանապահների գործունեության մասին: Կարծում եմ՝ որոշակի փակ խնդիրներ կան, որոնց մասին այսօր չէի ուզի խոսել», -ասաց խմբակցության ղեկավարը:
Սեյրան Օհանյանը հավելեց, որ ՌԴ դեսպանից հետաքրքրվել են նաև հնարավոր եռակողմ փաստաթղթի ստորագրման մասին. «Հարցեր ենք տվել ստորագրվող փաստաթղթի մասին, դեսպանն ասաց, որ լիարժեք տեղեկություն չունի դրա մասին»։
Մանրամասները՝ տեսանյութում:
