16.09.2026 | 14:42
Թբիլիսիում տեղի է ունեցել Trump Tower նախագծի շնորհանդեսը
ԶԼՄ-ների համար տուգանքը 10 հազարից դարձնում են 300-500 հազար դրամ․ Արամ Վարդևանյան․ ՏԵՍԱՆՅՈՒԹ
Քաղաքականություն
28.10.2021 | 15:58
Սկզբից եղել է խոսքը: Սահմանադրական կարևորագույն երաշխիքներից մեկն էլխոսքի ազատությունն է… Հավի ձվի պատմություն է. սկզբում պետք է պայքարել ֆեյքերի ու անանուն դոմեյնների դեմ, որից հետո նոր ասել՝ ԶԼՄ-ն ինչ պետք է անի։ ԱԺ-ում «Զանգվածային լրատվամիջոցների մասին» օրենքում փոփոխություն կատարելու մասին նախագծի քննարկման ժամանակ այս մասին նշեց «Հայաստան» խմբակցության պատգամավոր Արամ Վարդևանյանը։
«ԶԼՄ-ն ի՞նչ վարժություն պետք է կատարի, որ իմանա՝ որն է չնույնականացվող աղբյուր։ Առհասարակ ինչու՞ ԶԼՄ-ն նման վարժություն կատարի։ Թող պետությունն այդ վարժությունը կատարի ու պայքարի անանուն դոմեյնների դեմ»,- նշեց պատգամավորը։
Արամ Վարդևանյանը նշեց, որ փոփոխություն է նախատեսվում նաև Վարչական իրավախախտումների վերաբերյալ օրենսգրքի 189-րդ հոդվածում։ Նախկին իշխանությունների ժամանակ տվյալները ճիշտ չգրելու համար Արդարադատության նախարարությունը կարող էր լրատվամիջոցներին տուգանել, իսկ տուգանքի չափը 10 հազար դրամ էր։
«Քանի որ ՀՀ-ն վերջին 3 տարիներին ունեցել է ոչ թե թռիչքաձև, այլ շատ ավելի մեծ մի կենդանու չափերի տնտեսական աճ, ԶԼՄ-ներն արդեն պատասխանատվության են ենթարկվելու 300 հազար դրամից մինչև 500 հազար դրամի չափով։ Սրա տրամաբանությունը ո՞րն է։ 10 հազար դրամն ինչպե՞ս դարձավ 500 հազար դրամ։ Եթե ուզում եք պատասխանատվության ենթարկել և թիվն էլ խստացնել, տասնապատիկը դարձրեք քսանապատիկ, բայց 300 հազարից 500 հազա՞ր», նշեց Վարդևանյանը։
