27.07.2026 | 13:57
ԱԱ-2026-ի եզրափակիչի մրցավարն ավարտել է կարիերան
«Բայրաքթար» ԱԹՍ-ների մատակարարումն Ուկրաինային կարող է հանգեցնել իրադրության ապակայունացման․ Պեսկով
Քաղաքականություն
27.10.2021 | 14:41
Թուրքական «Բայրաքթար» հարվածային անօդաչու թռչող սարքերի մատակարարումն Ուկրաինային կարող է հանգեցնել բացասական հետևանքների և Դոնբասում իրադրության ապակայունացման։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, հաղորդում է Զվեզդան։
«Մենք իսկապես առանձնահատուկ և լավ հարաբերություններ ունենք Թուրքիայի հետ, բայց այս դեպքում, ցավոք, հաստատվում են մեր մտավախությունները, որ ուկրաինացի զինվորականներին զենքի նման տեսակների մատակարարումը կարող է հանգեցնել շփման գծում իրավիճակի ապակայունացման»,- ասել է Պեսկովը։
Ռազմական հակամարտությունների հարցերով փորձագետ Ալեքսանդր Կոտցի կարծիքով՝ Դոնբասի վրայով անօդաչու թռչող սարքերի թռիչքներն արգելված են բոլորի համար՝ բացի ԵԱՀԿ առաքելությունից, ուստի «Բայրաքթար»-ի առկայությունն ի սկզբանե մինսկյան պայմանավորվածությունների խախտում է։
Հիշեցնենք՝ ուկրաինացի զինվորականներն առաջին անգամ Դոնբասում օգտագործել են թուրքական արտադրության «Բայրաքթար» անօդաչու թռչող սարք, որը, ինչպես հայտնել է ուկրաինական կողմը, ոչնչացրել է հակառակորդի հրետանային համակարգը։
Տաթև Ֆռանգյան
