26.01.2026 | 17:45
Իրավապաշտպանները հաստատել են, որ Իրանում զոհերի թիվը 5,848 է. Time-ը հաղորդում է՝ այն կարող է գերազանցել 30,000-ը
Ողբերգական դեպք Արագածոտնի մարզում․ Աշտարակի ԲԿ է տեղափոխվել 11-ամյա աղջկա դի, 19-ամյա քույրն էլ մահացել է հիվանդանոցում
Հասարակություն
26.10.2021 | 12:07
Հոկտեմբերի 25-ին՝ ժամը 18։30-ի սահմաններում, Աշտարակի բժշկական կենտրոնից ահազանգ է ստացվել Ոստիկանություն, որ անգիտակից վիճակում իրենց մոտ է տեղափոխվել երկու քաղաքացի․ այս մասին Factor.am-ին հայտնեց ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը։
«Հիվանդանոց մեկնած օպերատիվ խումբը պարզել է, որ 18։15-ի սահմաններում Արագածոտնի մարզի Կարբի գյուղից մահացած վիճակում հիվանդանոց է տեղափոխվել 2010 թվականին ծնված աղջիկ, իսկ անգիտակից վիճակում վերջինիս քույրը՝ ծնված 2002 թվականին, որը նույն օրը՝ ժամը 19։00-ի սահմաններում, գիտակցության չգալով մահացել է»,- ասաց Ջանոյանը։
Թե ինչն է եղել աղջիկների մահվան պատճառը, պաշտոնական տեղեկություններ չեն հրապարակվում։ Ոստիկանությունից հայտնեցին, որ դեպքի հանգամանքները պարզվում են, նշանակվել են փորձաքննություններ, կատարվում է նախաքննություն։
Արփի Հակոբյան
