25.02.2026 | 21:42
Ադրբեջանի կառավարական աղբյուրները պնդում են, թե Վաշինգտոնում Ալիևի դեմ բողոքի ցույցերի հետևում կանգնած է Ռուսաստանը
Կառավարությունը Սերժ Սարգսյանին բնակարան նվիրեց
Հասարակություն
29.03.2018 | 12:29
ՀՀ Կառավարությունն այսօրվա նիստին չզեկուցվող ընթացակարգով հաստատեց որոշման նախագիծ, որով Սերժ Սարգսյանին բնակարան տրամադրվեց։
Նախագծի որոշման մեջ նշված է՝ Հայաստանի Հանրապետության նախագահի աշխատակազմի ենթակայության «Կոնդի առանձնատների տնտեսություն» պետական ոչ առևտրային կազմակերպության հաշվեկշռում ամրացված՝ 6-րդ մասնաշենքի մեջ մտնող շենքը և շինությունները՝ սպասարկման տարածքով՝ (1.5365 հա) հետ վերցնել և սեփականության իրավունքով անհատույց տրամադրել Հայաստանի Հանրապետության պաշտոնաթող նախագահ Սերժ Սարգսյանին՝ որպես բնակարան:
Հայաստանի Հանրապետության աշխատանքի և սոցիալական հարցերի նախարարին, Հայաստանի Հանրապետության կառավարության աշխատակազմի ղեկավարին և Ազգային անվտանգության ծառայության տնօրենին հանձնարարվեց՝ ապահովել օրենքով սահմանված մնացյալ երաշխիքների տրամադրումը հանրապետության պաշտոնաթող նախագահ Սերժ Սարգսյանին՝ իր դիմումի հիման վրա։
Որոշումն ուժի մեջ է մտնում 2018 թվականի ապրիլից:
