02.04.2026 | 15:10
Փաշինյանը՝ Օվերչուկի ասածների մասին // ԱԷԿ-ի շահագործումը 5 ամսով դադարեցվել է. ԼՈՒՐԵՐ
Մինչև տարեվերջ ռուս գործարարների մի շարք այցեր են նախատեսվում Ադրբեջան․ Զախարովա
Քաղաքականություն
21.10.2021 | 19:55
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ մինչև տարեվերջ ռուս գործարարների մի շարք աշխատանքային այցեր են նախատեսվում Ադրբեջան, հաղորդում է ՏԱՍՍ-ը։
«Ավելի վաղ կատարված այցն այս տարվա հուլիսի 23-ին էր, Բաքվում էր գործարարների պատվիրակությունը՝ համագործակցության հեռանկարային ոլորտները որոշելու համար:
Նոյեմբերի 17-18-ը տեղական ընկերությունների խումբը նախատեսում է կրկին այցելել Ադրբեջան»,- ասել է Զախարովան։
Նա նաև նշել է, որ Ռուսաստանը հետաքրքրված է մեծացնել Ադրբեջանում գործնական ներկայությունը։
«Մենք դիտարկում ենք նման համատեղ աշխատանքը՝ որպես կարևոր բաղադրիչ Մոսկվայի ու Բաքվի հարաբերություններում, և շարունակելու ենք դրան ամեն կերպ նպաստել»,- ասել է Մարիա Զախարովան։
Էմմա Չոբանյան
