12.02.2026 | 20:00
ԱՄՆ-ն անվտանգության երաշխիքներ է տվել Nvidia-ին՝ ՀՀ-ում ԱԲ գործարանի ներդրման համար. Արթուր Պապյան․ ՏԵՍԱՆՅՈՒԹ
Իրանն Ադրբեջանը չի վերածի թիրախի․ Էրդողանը՝ Թեհրանի և Բաքվի լարված հարաբերությունների մասին
Քաղաքականություն
21.10.2021 | 18:52
Թուրքիայի նախագահ Ռեջեփ Թայիփ Էրդողանը Աֆրիկայից վերադառնալիս օդանավում լրագրողների հետ զրույցում անդրադարձել է Իրանի և Ադրբեջանի լարված հարաբերությունների մասին հարցին, հաղորդում է «Անադոլու» գործակալությունը։
Նա, մասնավորապես, ասել է, թե չի կարծում, որ երկու երկրների միջև ճգնաժամը կարող է մտնել թեժ փուլ։
«Ես անձամբ նման սպասումներ չունեմ։ Բաքվի՝ Իսրայելի հետ հարաբերությունների պատճառով Իրանն Ադրեջանը չի վերածի ինչ-որ թիրախի, քանի որ այսօր Իրանում բնակվող ադրբեջանցիների թիվն ակնհայտ է։ Այդ գործոնը, իհարկե, կստիպի մտածել։ Ամեն ինչ այնքան էլ հեշտ չէ։ Կարծում եմ՝ Իրանի նոր իշխանությունները չեն շարունակի նույն սխալը»,- ասել է Թուրքիայի նախագահը։
Հիշեցենք, որ Իրանի և Ադրբեջանի հարաբերությունները թևակոխեցին լարված փուլ, երբ սեպտեմբերի 15-ին Բաքուն Գորիս-Կապան ճանապարհի ադրբեջանական հսկողության տակ գտնվող հատվածում ձերբակալեց իրանցի 2 վարորդի։ Այսօր իրանցի վարորդներին Ադրբեջանն ազատ է արձակել և վերադարձրել Թեհրանին։
Էմմա Չոբանյան
