19.05.2026 | 09:50
ՀՀ տարածքում ավտոճանապարհները հիմնականում անցանելի են
Թուրքիայում քաղաքական և ռազմական լրտեսության մեղադրանքով ՌԴ 4 քաղաքացի է ձերբակալվել
Քաղաքականություն
21.10.2021 | 14:20
Թուրքիայում 6 օտարերկրացի է ձերբակալվել՝ «քաղաքական և ռազմական լրտեսության» մեղադրանքով։ Այս մասին հայտնել է թուրքական Hürriyet-ը։ Ըստ պարբերականի՝ ձերբակալվածներից 4-ը Ռուսաստանի, 2-ը՝ Ուկրաինայի և Ուզբեկստանի քաղաքացիներ են, գրում է DW-ի ռուսական ծառայությունը:
Հաղորդվում է, որ կասկածյալները ծրագրել են հարձակում իրականացրել չեչեն ընդդիմադիրների վրա։ Հետաքննության վարկածի համաձայն՝ ձերբակալվածները «կարող են ներգրավված լինել միջազգային լրտեսական գործունեության մեջ»։ Ռազմական ու քաղաքական լրտեսություն հոդվածով նրանց սպառնում է 15-20 տարվա ազատազրկում։
Sabah-ի տվյալներով էլ՝ ձերբակալվածները Ստամբուլի Մալթեպե բանտում են։
Հավելենք, որ Ստամբուլում օտարերկրացիների կալանավորման մասին հայտնի էր դարձել դեռևս հոկտեմբերի 9-ին: Նրանց մոտ հայտնաբերել են երեք ատրճանակ, պարկուճներ և փաստաթղթեր, այդ թվում՝ ռուսական անձնագրեր: ՌԴ նախագահի մամուլի քարտուղար Դմիտրի Պեսկովը, մեկնաբանելով այս լուրը, ասել է, թե Կրեմլը տեղեկություններ չունի Թուրքիայում ձերբակալված ռուսների մասին: Ըստ Պեսկովի՝ եթե նրանք «իսկապես Ռուսաստանի քաղաքացիներ լինեին, Կրեմլը որոշակի տեղեկություններ կստանար այս մասին»:
Տաթև Ֆռանգյան
