05.11.2026 | 17:27
Քրեական հետապնդումը ժամանակին չհարուցելու և բողոքարկման ժամկետը բաց թողնելու համար դատախազը խիստ նկատողություն է ստացել
Սոցցանցերում արգելափակված Դոնալդ Թրամփը սեփական TRUTH Social սոցցանցն է ստեղծում․ The Hill
Քաղաքականություն
21.10.2021 | 14:43
ԱՄՆ նախկին նախագահ Դոնալդ Թրամփը, որի օգտահաշիվներն արգելափակված են Twitter-ում, Тwitсh-ում և Snarshat-ում, հայտարարել է իր սեփական՝ TRUTH Social սոցիալական ցանցի ստեղծման մասին:
«Ես ստեղծեցի TRUTH Social-ը և TMTG-ն (Trump Media & Technology Group)՝ դիմագրավելու մեծ տեխնոլոգիայի բռնակալությանը: Մենք ապրում ենք մի աշխարհում, որտեղ թալիբները հսկայական ներկայություն ունեն Twitter-ում, բայց ձեր սիրելի ԱՄՆ նախագահին ստիպել են լռել: Սա անընդունելի է»,- ԱՄՆ նախկին առաջնորդին է վկայակոչում The Hill-ը:
Թրամփի խոսքով՝ շատ գոհ է, որ իր սոցիալական ցանցի օգնությամբ կկարողանա «ձայն տալ բոլորին»:
«Ուրախ եմ, որ շուտով կսկսեմ կիսվել սոցիալական ճշմարտության վերաբերյալ իմ մտքերով և պայքարելու եմ Մեծ տեխնոլոգիաների դեմ: Բոլորն ինձ հարցնում են, թե ինչու ոչ ոք չի հակադրվում Մեծ տեխնոլոգիաներին: Դե՝ շուտով մենք դա կանենք»,- ասել է քաղաքական գործիչը։
Հիշեցնենք, որ սոցիալական ցանցերում Թրամփի օգտահաշիվներն ընդմիշտ արգելափակվել են 2021 թվականի հունվարի 6-ին՝ Միացյալ Նահանգներում տեղի ունեցած բողոքի ցույցերից հետո։
Տաթև Ֆռանգյան
