23.04.2026 | 12:31
Մենք մրցակցության մեջ չենք մտնում, քվե ենք ակնկալում. ԱԺԲ-ի անդամ․ ՏԵՍԱՆՅՈՒԹ
Հունվարի 1-ից ջրի սակագինը հնարավոր է` դառնա 200 դրամ. ՀԾԿՀ նախագահ․ ՏԵՍԱՆՅՈՒԹ
Տնտեսություն
20.10.2021 | 11:50
ՀԾԿՀ նախագահ Գարեգին Բաղրամյանը լրագրողների հետ զրույցում` անդրադառնալով ջրի սակագնի փոփոխություններին, նշեց, որ հունվարի 1-ից նախատեսվում է բարձրացնել ջրի գինը:
Անդրադառնալով հարցին, թե պնդո՞ւմ է որ ջրի սակագինը բարձրանալու է, պաշտոնյան պատասխանեց. «Ես չեմ պնդում, որ բարձրանալու է, ես ասում եմ քննարկում ենք առաջարկ, որպեսզի ունենանք 10 տարվա կայուն գնային քաղաքականություն»:
ՀԾԿՀ նախագահի խոսքով՝ բարձրացման հայտը եղել է 43 դրամ՝ գործող 180-ի նկատմամբ:
«Բայց ուզում եմ հիշեցնել, որ 2016 թվականի մրցույթով հաղթած բազիսային գինը 2022 թվականի համար արդեն 214 դրամ էր: Մենք հիմա վերցնում ենք 214 դրամը և վրան ավելացնում այդ ճշգրտման գործակիցները»:
Սոցիալապես անապահով սպառողների համար կգործի գործող 180 դրամ սակագինը. «Մնացած սպառողների համար առաջարկում ենք այլևս բյուջեից վարձակալության վճարի նվազեցումներ, սուբսիդիաներ չանել, այլ ընդամենը 10 տարվա համար կայուն գնային քաղաքականություն ունենալ: Նրանց համար կսահմանվի 200 դրամ սակագին»,- նշեց Բաղրամյանը:
Մանրամասները՝ տեսանյութում:
