10.08.2026 | 22:12
ԱՄՆ-ը, Հայաստանը և Ադրբեջանը համատեղ հայտարարություն են տարածել Վաշինգտոնի խաղաղության գագաթնաժողովի տարեդարձի առթիվ
Թուրքիայում ԱՄՆ-ի նախկին դեսպանը առաջարկել է փակել թուրքական հյուպատոսարաններից մեկը
Քաղաքականություն
27.03.2018 | 20:34
Ամերիկյան «Brookings» համալսարանում կազմակերպված քննարկման ժամանակ Թուրքիայում ԱՄՆ-ի նախկին դեսպան Էրիկ Էդելմանը խոսել է թուրք-ամերիկյան հարաբերությունների մասին և քննադատել Թուրքիայում տիրող իրավիճակը. փոխանցում է EH-ն:
«Թուրքիայի նախագահը, օգտագործելով իր մերձավորների և բարեկամների ձեռքի տակ եղած լրատվամիջոցները, շարունակաբար թշնամություն է հրահրում ԱՄՆ-ի դեմ»,- ասել է դեսպանը։
Այն բանից հետո, երբ «Արդարություն և զարգացում» (ԱԶԿ-AKP) կուսակցությունը եկել է իշխանության, ամերիկյան ղեկավարությունը Թուրքիայի հետ դաշնակից լինելու պատճառով աչք է փակում այնտեղ առկա մարդու իրավունքների խախտումների վրա։ Աչք է փակվել նաև, այն բանի վրա, որ Թուրքիայում չի պահպանվում օրենքի գերակայությունը:
Ամերիկացի դեսպանը նշել է, որ ԱՄՆ-ում Թուրքիայի հյուպատոսարաններից մեկի փակումը կարող է ճնշման լծակ լինել Անկարայի վրա:
«Եթե մենք փակենք ԱՄՆ-ում գտնվող հյուպատոսարաններից մեկը, ապա Թուրքիայի և վերջինիս նախագահի համար ահագին խնդիրներ կստեղծվեն»,- հավելել է Էդելմանը։
